Qazaqstandyqtar Instagram jelisi arqyly alaıaqtardyń aldaýyna qalaı túsip qalǵanyn aıtty

Jelide saýdamen aınalysyp, taýar satatyn onlaın dúkender óte kóp. Alaıda olardyń arasynda adal jumys istep, kópshiliktiń suranysyna ıe bolǵandar da, “taýardy jiberemiz” dep aqshany alǵan soń baılanysqa shyqpaı, san soqtyryp ketetinder de bar. Stan.kz tilshisi alaıaqtardy áshkerelep, olarǵa aldanǵandardyń janaıqaıyn jetkizdi. Sondaı-aq ınternet alaıaqtardan saqtanýdyń joldaryn aıtty. 

Batys Qazaqstan oblysynyń turǵyny Aızat Erjanova ınternet alaıaqtardyń aldaýyna túskenderdiń biri. Ol Instagram-daǵy kidsclo_kz paraqshasyna jazyp, balalar kıimine tapsyrys bergen. Alaıda alaıaqtar onyń aqshasyn alyp, san soqtyrǵan.

Kópbalaly ana balalarynyń járdemaqysyn kishkentaılarynyń kıimine jumsamaq bolǵan.

Sóıtip Instagram-nan arzan baǵadaǵy balalar kıimine tapsyrys berip, birden tólem jasaıdy. Dúkendegiler taýardy kıimderge tapsyrys bergen kúnniń erteńinde poshta arqyly salyp jiberemiz dep ýáde etken. Alaıda olar sol kúnnen keıin múlde baılanysqa shyqpaǵan.