قازاقستاندىقتار نەسيەدەن ءبىرجولا قالاي باس تارتا الادى

قازاقستاندىقتار eGov Mobile قوسىمشاسى ارقىلى بانكتىك قارىزداردى الۋدان شەكسىز مەرزىمگە باس تارتا الادى, دەپ حابارلايدى Zakon.kz.

«ۇلتتىق اقپاراتتىقتەحنولوگيالار» اق مالىمەتىنشە, قىزمەت تەك ازاماتتاردىڭ وزدەرىنە عانا قولجەتىمدى.

«شەكتەۋدىڭ قولدانىلۋ مەرزىمى شەكتەلمەگەن, بىراق قاجەت بولعان جاعدايدا ونى كەز كەلگەن ۋاقىتتا الىپ تاستاۋعا بولادى», — دەلىنگەن حابارلامادا.

قىزمەتتى eGov.kz پورتالى ارقىلىدا الۋعا بولادى, ول ءۇشىن:

eGov.kz پورتالىندا اۆتوريزاتسيادان ءوتىپ, «كەدەن جانە سالىقتار» بولىمىنە ءوتىڭىز;

تىزىمنەن «ەكونوميكا جانە قارجى» ءبولىمىن تاڭداپ, «بانكتىك نەسيەلەردى, ميكروكرەديتتەردى الۋدان ەرىكتى باس تارتۋ» قىزمەتىن تاڭداڭىز;

قاجەتتى جولداردى تولتىرىپ, ەتسق كومەگىمەن وتىنىمگە قول قويىڭىز;

كورسەتىلەتىن قىزمەت ناتيجەسىمەن جەكە كابينەتتە تانىسۋعا بولادى.