قازاقستاندىقتار تەڭىز, قاشاعان جانە قاراشىعاناق بويىنشا كەلىسىمشارتتىڭ اشىق جاريالانۋىن تالاپ ەتۋدە

فوتو: orda.kz

«بايتاق» ساياسي پارتياسىنىڭ باسشىلىعى مەن «پاراسات» كاسىپكەرلەر اليانسى» زاڭدى تۇلعالار بىرلەستىگىنىڭ مۇشەلەرىنەن قۇرالعان باستاماشىل توپ پرەزيدەنت اتىنا پەتيتسيا جولدادى, – دەپ حابارلايدى qandastar.kz.

ulysmedia.kz جازعانداي, بۇل نورما بىرقاتار زاڭنامالىق اكتىلەرگە, سونىڭ ىشىندە «مەنشىك تۋرالى» زاڭعا جانە «جەر قويناۋى جانە جەر قويناۋىن پايدالانۋ تۋرالى» كودەكسكە وزگەرىستەر مەن تولىقتىرۋلار ەنگىزۋدى تالاپ ەتەدى.

«سونىمەن قاتار بۇرىن قول قويىلعان ءونىمدى ءبولۋ تۋرالى كەلىسىمدەر مەن جەر قويناۋىن پايدالانۋعا ارنالعان كەلىسىمشارتتاردىڭ مازمۇنى  اشىلۋ كەرەك. ول حالىقتىڭ مۇددەسىن ەسكەرە وتىرىپ, قايتا قارالۋى قاجەت» دەلىنگەن جازبادا.

پەتيتسيادا ەكولوگيالىق ماسەلەلەرگە ەرەكشە كوڭىل بولىنگەن.

«سوڭعى 30 جىلدا قازاقستاننىڭ مۇناي ءوندىرۋشى ايماقتارى ەكولوگيالىق اپات ايماقتارىنا اينالدى, ال مۇناي كومپانيالارى بۇل پروبلەمالاردى شەشۋگە دەن قويعان جوق. زياننىڭ الدىن الۋدان گورى ايىپپۇل تولەۋگە قاراي ويىسىپ كەتتى» دەيدى پەتيتسيا اۆتورلارى.

وسىلايشا, باستاماشىل توپ پرەزيدەنتتى ءادىل قازاقستانعا قادام باسۋعا شاقىرادى. ولار حالىقارالىق ترانسۇلتتىق مۇناي كومپانيالارىمەن جاسالعان ءونىمدى ءبولۋ تۋرالى كەلىسىمدەردىڭ تالاپتارىن جاريا ەتۋدى جانە ولاردى كونستيتۋتسيا نورمالارىنا سايكەستەندىرۋدى تالاپ ەتەدى.

پەتيتسياعا قول قويعاندار مۇنداي شارالار ەلدىڭ ەكونوميكالىق جانە الەۋمەتتىك جاعدايىن جاقسارتۋعا جانە بيلىككە دەگەن سەنىمدى نىعايتۋعا سەپتىگىن تيگىزەتىنىنە سەنىمدى.