Qazaqstandyqtar ýnıversıtetke qaraǵanda balabaqshaǵa kóp aqsha jumsaıdy

Taýarlar men qyzmetter baǵasynyń ósýimen qatar qazaqstandyqtardyń shyǵyndary da artyp keledi. Ásirese azamattardyń bilim berýge jumsaıtyn qarjysynyń artýy baıqalady.

2023 jyly shyǵyndar 29,1 paıyzǵa: bir otbasyna orta eseppen 60,9 myńnan 78,6 myń teńgege deıin ósken. Bul rette qalalarda bul soma joǵary – 88,8 myń teńge, al aýyldarda tómen – 56,8 myń teńge. Bul eldegi úı sharýashylyqtary arasyndaǵy ortasha kórsetkish ekenin aıta ketken jón. Sebebi sarapshylar irikteý zertteýlerdi elimizdiń barlyq iri qalalary men aımaqtarynda júrgizedi. Saýalnamaǵa 12 myńǵa jýyq otbasy qatysty, alynǵan nátıje jalpy úı sharýashylyqtaryna qoldanylady. Basqasha aıtqanda, qazaqstandyq otbasylardyń bilim alýǵa jumsaıtyn naqty somasy bala sanyna, olardyń jasyna, oqý mártebesine jáne basqa da faktorlarǵa baılanysty ózgerip otyrady. Degenmen azamattardyń shyǵyndary aıtarlyqtaı ósken.

Bir qyzyǵy, ýnıversıtettegi oqý shyǵyndarynyń úlesi nebári 16,2 paıyzdy nemese jylyna 12,7 myń teńgeni quraıdy. Degenmen ortasha kórsetkishterdi este ustaǵan jón. Shyndyǵynda, bul qazaqstandyqtar balabaqshaǵa jylyna 24,5 myń teńge tóleıdi degendi bildirmeıdi. Statıstıka ártúrli otbasylardy, sonyń ishinde balalary joq otbasylardy da eskeredi – olardyń balabaqsha shyǵyndary nólge teń, biraq olar ortasha mándi esepteý kezinde de eskeriledi. Eger mektepke deıingi bilim berý qyzmetteriniń naqty baǵasy týraly aıtar bolsaq, jekemenshik mektepke deıingi mekemelerdi sýbsıdııalaýdy eskergen kúnniń ózinde keıde oqý baǵasy aıyna 300 myń teńgeden asýy múmkin.