قازاقستاندىقتار ءۇشىن eGov mobile-دا جاڭا قىزمەت ىسكە قوسىلدى

ەدىمىزدە eGov mobile قوسىمشاسىندا جاڭا قىزمەت ىسكە قوسىلدى. ەندى قازاقستاندىقتار ەڭبەك شارتىنا ونلاين تۇردە قول قويا الادى,-دەپ حابارلايدى Qandastar.kz

قومپانيا مالىمەتىنشە, جاڭا سەرۆيستى پايدالانۋشىلار, ۇيىمداردىڭ جاڭا جۇمىسكەرلەرى eGov Mobile ءموبيلدى قولدانباسى ارقىلى سىناپ كورە الادى. ەندى پايدالانۋشىلار جۇمىس بەرۋشىمەن ەڭبەك شارتىنا تەك قاعاز تۇرىندە عانا ەمەس, سمارتفونداردان دا قول قويا الادى.

«جۇمىس بەرۋشى enbek.kz پورتالىندا ءوزىنىڭ جەكە كابينەتىندە ەلەكتروندىق ەڭبەك شارتىنىڭ جوباسىن جاسايدى جانە ونى جۇمىسكەرگە كەلىسۋگە جولدايدى. جۇمىسكەرگە شارتقا قول قويۋ ۇسىنىسىمەن eGov Mobile ءموبيلدى قولدانباسىندا push-حابارلاما كەلەدى. جۇمىسكەر ءوزىنىڭ جەكە باسىن قىسقا پارولمەن, ءموبيلدى قوسىمشاداعى بيومەتريالىق دەرەكتەرمەن راستايدى, Push-حابارلاما ارقىلى وتەدى. جۇمىسكەر ەڭبەك شارتىمەن تانىسادى, ەگەر شارتتارمەن كەلىسسە, قىسقا كودتى ەنگىزىپ نەمەسە بيومەتريالىق دەرەكتەرمەن تەكسەرۋدەن ءوتىپ, ءوزىنىڭ ەتسق كومەگىمەن قول قويادى. جۇيە enbek.kz پورتالىنداعى جۇمىس بەرۋشىنىڭ جەكە كابينەتىنە حابارلاما جىبەرەدى. جۇمىس بەرۋشى ەلەكتروندىق ەڭبەك شارتىنا قولجەتىمدى تاسىلدەردىڭ بىرىمەن ەتسق نەمەسە QR ارقىلى قول قويادى», – دەلىنگەن حابارلامادا.