Qazaqstandyqtar úshin eGov mobile-da jańa qyzmet iske qosyldy

Edimizde eGov mobile qosymshasynda jańa qyzmet iske qosyldy. Endi qazaqstandyqtar eńbek shartyna onlaın túrde qol qoıa alady,-dep habarlaıdy Qandastar.kz

Qompanııa málimetinshe, jańa servısti paıdalanýshylar, uıymdardyń jańa jumyskerleri eGov Mobile mobıldi qoldanbasy arqyly synap kóre alady. Endi paıdalanýshylar jumys berýshimen eńbek shartyna tek qaǵaz túrinde ǵana emes, smartfondardan da qol qoıa alady.

«Jumys berýshi enbek.kz portalynda óziniń jeke kabınetinde elektrondyq eńbek shartynyń jobasyn jasaıdy jáne ony jumyskerge kelisýge joldaıdy. Jumyskerge shartqa qol qoıý usynysymen eGov Mobile mobıldi qoldanbasynda push-habarlama keledi. Jumysker óziniń jeke basyn qysqa parolmen, mobıldi qosymshadaǵy bıometrııalyq derektermen rastaıdy, Push-habarlama arqyly ótedi. Jumysker eńbek shartymen tanysady, eger sharttarmen kelisse, qysqa kodty engizip nemese bıometrııalyq derektermen tekserýden ótip, óziniń EQ kómegimen qol qoıady. Júıe enbek.kz portalyndaǵy jumys berýshiniń Jeke kabınetine habarlama jiberedi. Jumys berýshi elektrondyq eńbek shartyna qoljetimdi tásilderdiń birimen EQ nemese QR arqyly qol qoıady», – delingen habarlamada.