Qazaqstandyqtardyń depozıtterinde qansha aqsha bar?

Foto: ashyq derekkóz

Qordyń derekterine súıensek, depozıttik naryqtyń negizgi bóligin qarapaıym salymshylar quraıdy, dep jazdy qandastar.kz

Qazaqstandyqtardyń bankterdegi depozıtteriniń ortasha kólemi 2024 jyldyń qorytyndysy boıynsha 204 myń teńgeni qurady. Bul týraly Qazaqstannyń depozıtterge kepildik berý qory habarlady.

 

О́tken jyly halyqtyń bankke salǵan qarajaty 20,3%-ǵa ósip, jalpy kólemi 24,5 trln teńgege jetti. Sonymen qatar bankterdiń jalpy aktıvteri 20%-ǵa artyp, 62 trln teńgeni qurady.

Qor málimetinshe, qazaqstandyqtardyń basym bóligi jınaqtaryn ulttyq valıýtada saqtaýdy jón kóredi. 2024 jyly teńgelik depozıtter 23,8%-ǵa ósip, depozıttik naryqtyń jalpy 20,3%-ǵa ulǵaıýyna negizgi úles qosty. Onyń ishinde teńgemen ashylǵan salymdar 17,4%-dy, al shetel valıýtasyndaǵy depozıtter 2,9%-dy qurady.

2024 jyldyń 1 qańtarynan bastap depozıttik mólsherlemelerdi retteýdiń jańa júıesi engizildi. Buǵan deıin QDKBQ barlyq bankter úshin eń joǵary paıyzdyq mólsherlemeni belgilep kelse, jańa júıe bul shekteýlerdiń basym bóligin alyp tastady. Bul ózgeris bankterge óz mólsherlemelerin ıkemdi retteýge múmkindik berip, salymshylar úshin básekege qabiletti jańa usynystardyń paıda bolýyna yqpal etti.

Qordyń derekterine súıensek, depozıttik naryqtyń negizgi bóligin qarapaıym salymshylar quraıdy. Jeke tulǵalarǵa tıesili shottar barlyq depozıtterdiń 99,6%-yn qamtıdy.

«Bul salymdar kóbine kúndelikti tutyný men kútpegen shyǵyndarǵa arnalǵandyqtan, táýekelge toly ınvestıııalar qarapaıym salymshylar úshin asa tartymdy emes», – delingen habarlamada.