قازاقستاندىقتاردىڭ كورەيادا جۇمىس ىستەۋىنە رۇقسات بەرىلۋى مۇمكىن

كورەيادا 10 875 قازاقستاندىق زاڭسىز جۇر.

قازاقستاندىقتاردىڭ كورەيادا بالىق جانە اۋىلشارۋاشىلىق سالالارىندا زاڭدى تۇردە جۇمىس ىستەۋىنە رۇقسات ەتىلۋى مۇمكىن. بۇل تۋرالى سىرتقى ىستەر مينيسترلىگى ايتتى, دەپ حابارلايدى Tengrinews.kz.

«پرەزيدەنت قاسىم-جومارت توقاەۆتىڭ تاپسىرماسىمەن قازاقستان ۇكىمەتى كورەيا ۇكىمەتىمەن بىرلەسىپ, وسى ەلدىڭ بالىق جانە اۋىلشارۋاشىلىق سالالارىندا قازاقستاندىقتار ءۇشىن ماۋسىمدىق جۇمىس ىستەۋ مۇمكىندىكتەرىن قاراستىرۋدا. ودان باسقاسىنىڭ ءبارى – وڭتۇستىك كورەيا مەن قازاقستان زاڭدارىن بۇزۋ بولىپ تابىلادى», – دەدى ءسىم وكىلى ايبەك سمادياروۆ.

رەسمي وكىل كورەياعا 30 كۇنگە ۆيزاسىز كىرۋ رۇقساتى – جۇمىسقا ورنالاسۋدى كوزدەمەيتىنىن اتاپ ءوتتى.

«سوندىقتان, كورەياعا جۇمىسقا جىبەرىپ جاتقان بارلىق قازاقستاندىق كومپانيالاردىڭ بۇل تىرلىگى زاڭسىز, ولار ليتسەنزياسىز جۇمىس ىستەۋدە. جالپى, قازاقستاندىقتاردىڭ وڭتۇستىك كورەيادا زاڭدى جۇمىسقا ورنالاسۋى قاراستىرىلماعان», — دەپ قوستى ايبەك سمادياروۆ.

1 قىركۇيەكتەگى جاعداي بويىنشا كورەيادا 10 875 قازاقستاندىق زاڭسىز ءجۇر.