Qazaqstandyqtardyń Koreıada jumys isteýine ruqsat berilýi múmkin

Koreıada 10 875 qazaqstandyq zańsyz júr.

Qazaqstandyqtardyń Koreıada balyq jáne aýylsharýashylyq salalarynda zańdy túrde jumys isteýine ruqsat etilýi múmkin. Bul týraly Syrtqy ister mınıstrligi aıtty, dep habarlaıdy Tengrinews.kz.

«Prezıdent Qasym-Jomart Toqaevtyń tapsyrmasymen Qazaqstan úkimeti Koreıa úkimetimen birlesip, osy eldiń balyq jáne aýylsharýashylyq salalarynda qazaqstandyqtar úshin maýsymdyq jumys isteý múmkindikterin qarastyrýda. Odan basqasynyń bári – Ońtústik Koreıa men Qazaqstan zańdaryn buzý bolyp tabylady», – dedi SIM ókili Aıbek Smadııarov.

Resmı ókil Koreıaǵa 30 kúnge vızasyz kirý ruqsaty – jumysqa ornalasýdy kózdemeıtinin atap ótti.

«Sondyqtan, Koreıaǵa jumysqa jiberip jatqan barlyq qazaqstandyq kompanııalardyń bul tirligi zańsyz, olar lıenzııasyz jumys isteýde. Jalpy, qazaqstandyqtardyń Ońtústik Koreıada zańdy jumysqa ornalasýy qarastyrylmaǵan», — dep qosty Aıbek Smadııarov.

1 qyrkúıektegi jaǵdaı boıynsha Koreıada 10 875 qazaqstandyq zańsyz júr.