قازاقستاندىقتاردىڭ تەگىنە جالعاۋعا بولمايتىن جالعاۋلار اتالدى

فوتو: stan.kz

ادىلەت مينيسترلىگىنىڭ رەسمي وكىلى تالعات ءۋالي بريفينگ بارىسىندا قازاقستاندىقتاردىڭ اتى, تەگى جانە اكەسىنىڭ اتىنا جالعاناتىن جالاۋلارعا قاتىستى سۇراققا جاۋاپ بەردى. بۇل تۋرالى qandastar.kz Stan.kz اقپارات اگەنتتىگىنە سىلتەمە جاساپ حابارلايدى.

رەسمي وكىلدىڭ ايتۋىنشا, قازاقستاندىقاتاردان جەكە كۋالىكتەگى اتى, تەگى جانە اكەسىنىڭ اتىنا بايلانىستى سۇراقتار ءجيى تۇسەدى. تالعات ءۋالي وتانداستاردان تۇسكەن تولاسسىز ساۋالدارعا نۇكتە قويدى.

“بۇل نورما «نەكە جانە وتباسى تۋرالى» كودەكسىمەن رەتتەلەدى. ادىلەت مينيسترلىگى تولىق اتى-ءجونىنىڭ ەملەسىنە ەنگىزىلگەن وزگەرتۋلەر سانىنىڭ ستاتيستيكاسىن جۇرگىزبەيدى. سونداي-اق كودەكسكە سايكەس, «تەگى», «ۇرپاعى», «نەمەرەسى», «شوبەرەسى», «كەلىنى» سەكىلدى جالعاۋلاردىڭ جالعانۋىنا رۇقسات جوق”, – دەدى تالعات ءۋالي.

ايتا كەتەيىك, نەكە (ەرلى-زايىپتىلىق) جانە وتباسى تۋرالى» كودەكسىنە سايكەس, نەكە (ەرلى-زايىپتىلىق) قيۋ كەزىندە ەرلى-زايىپتى ءوز وتىنىشتەرى بويىنشا ورتاق تەگى رەتىندە بىرەۋىنىڭ تەگىن تاڭدايدى نەمەسە ەرلى-زايىپتىنىڭ ارقايسىسىنىڭ نەكەگە دەيىنگى تەگى ساقتالادى. سونداي-اق بىرەۋى (ەكەۋى دە) ءوز تەگىنە جۇبايىنىڭ تەگىن قوسا الادى. ەرلi-زايىپتىلاردىڭ كەم دەگەندە بiرەۋiنiڭ نەكەگە دەيiنگi تەگى قوسارلانعان بولسا, فاميليالاردى بىرىكتىرۋگە رۇقسات جوق.

نەكە قيۋدى (ەرلى-زايىپتى بولۋدى) مەملەكەتتىك تىركەۋ كەزىندە تەگى وزگەرگەن جاعدايدا ازامات بىر اي مەرزىمدە جەكە باسىن كۋالاندىراتىن قۇجاتتاردى اۋىستىرۋى قاجەت.