Jańalyqtar
Qazaqstandyqtardyń zeınetaqy jınaǵyna salynatyn jeke tabys salyǵy kimderge qaıtarylmaıdy – Mınıstrlik túsindirdi
Foto:Ru.freepik.com
Májiliste qazaqstandyqtar jetkilikti shekten asatyn zeınetaqy jınaqtaryn paıdalaný kezinde jeke tabys salyǵyn tóleý máselesi kóterildi, dep jazdy qandastar.kz
Bul týraly Stan.kz aqparat agenttigi habarlaıdy.
Qoldanystaǵy zańnamaǵa sáıkes, qazaqstandyqtar paıdalaný úshin alǵan zeınetaqy jınaǵy jeke tabys salyǵyna jatady. Jańa Salyq kodeksiniń jobasynda bul salyqty alyp tastaý qarastyrylǵan.
“Salyq kodeksi men oǵan ilespe qujattar aıasynda zeınetaqy jınaqtarynan, onyń ishinde birjolǵy zeınetaqy tólemderinen de jeke tabys salyǵyn alyp tastaý qarastyrylyp otyr. Alaıda kóp azamat buǵan deıin zeınetaqy jınaqtarynyń bir bóligin alǵan kezde jeke tabys salyǵyn tólegen. Endi bir bóligi bul tólemderdi zeınetke shyqqannan keıingi ýaqytqa qaldyrǵan. Osyǵan baılanysty “Buryn tólengen jeke tabys salyǵyn qaıtarý josparlanyp otyr ma?” degen suraq týyndaıdy”, – deıdi depýtat Nurgúl Taý.
Bul suraqqa Ulttyq ekonomıkanyń birinshi vıe-mınıstri Azamat Amrın jaýap berdi.
“Keıinge qaldyrǵandar jeke tabys salyǵyn tóleýden bosatylady. Al tólep qoıǵandardyń aqshasy qaıtarylmaıdy”, – dedi vıe-mınıstr.
Buǵan deıin Ulttyq ekonomıka mınıstrligi zeınetaqy tólemderi jeke tabys salyǵynan qashan bosatylatynyn jáne jańa Salyq kodeksi qashan qabyldanatynyn aıtqan edi.
