جاڭالىقتار
قازاقستانعا اەس كەرەك پە: جاساندى ينتەللەكت جاۋاپ بەردى
فوتو: uatom.org
ەلدەگى قىزۋ تالقى اەس-ءتىڭ توڭىرەگىندە. تاقىرىپ اينالاسىندا فەيسبۋك جەلىسىنىڭ قولدانۋشىسى ەرنار سەيتاحمەت قىزىقتى پىكىرىمەن ءبولىستى, – دەپ حابارلايدى qandastar.kz.
«جاساندى ينتەللەكتىگە «قازاقستانعا اەس كەرەك پە?» دەپ سۇرادىم. GPT 3 نارسەنى ايتتى:
- ەلدە ەنەرگيانى تۇتىنا ءوسىپ كەلەدى. ستانتسيانى سالۋ ارقىلى ەنەرگەتيكالىق تاۋەلدىلىكتەن ارىلادى جانە كومىرقىشقىل گازىنىڭ ءبولىنۋى ازايادى.
- اەس سالۋ مەن ونىڭ جۇمىسى ۇلكەن ينۆەستيتسيانى تالاپ ەتەدى. سونداي-اق, رادياتسيالىق قاۋىپسىزدىك ماسەلەسىن ەسكەرۋ كەرەك.
- قوعام, ۇكىمەت بولىپ تالقىلاۋ كەرەك دەدى», – دەپ جازدى ول.
جي اەس سالۋدى بارىنشا قاۋىپسىز ەتۋ جولىن دا نۇسقاعان. حالىقارالىق قاۋىپسىزدىك ستاندارتتارىنا توقتالا كەلە ول ماگاتە مەن باسقا دا الەمدىك ۇيىمدار جاساعان قاۋىپسىزدىك ستاندارتتارىنا نازار اۋدارۋ ماڭىزىن مەڭزەگەن.
اەس لوكاتسياسىنىڭ دا ءرولى زور, ياعني سۋ رەسۋرستارى جاقىن, ادامداردىڭ شوعىرلانعان جەردەن الىس جانە تابيعي اپات ورىن الۋ ىقتيمالدىعى تومەن بولۋ كەرەك. بۇل تەحنولوگيالار اۆتوماتتى تۇردە رەاكتوردى سالقىنداتا الادى.
قاتاڭ باقىلاۋ كۇن تارتىبىنەن شىقپاۋى ءتيىس. قاۋىپسىزدىك نورمالارىن تۇراقتى باقىلايتىن تاۋەلسىز ورگان بولۋى كەرەك.
ەڭ باستىسى, توتەنشە جاعدايلارداعى جىلدام جاۋاپ بەرەتىن, يادرولىق قالدىقتاردى باسقارۋ جۇيەسى اۋاداي كەرەك. «وسى پۋنكتەر ساقتالاتىن بولسا عانا قوعامنىڭ سەنىمى ورىن الادى» دەيدى جاساندى ينتەللەكت.
