جاڭالىقتار
قازاقستانعا قىتايدان كەلەتىن تۋريستەر سانى ايتارلىقتاي وسكەن
فوتو: pixabay.com
بيىل قازاقستانعا قىتايدان كەلگەن تۋريستەر سانى ارتقان. جىلدىڭ 10 ايىندا ولاردىڭ سانى 122 مىڭنان اسقان. بۇل تۋرالى Stan.kz اقپارات اگەنتتىگى حابارلايدى.
EQonaq جۇيەسىنىڭ دەرەكتەرىنە سايكەس, بۇل وتكەن جىلمەن سالىستىرعاندا 64% ارتىق. بىلتىر ەلگە 78 515 قىتايلىق كەلگەن.
تۋريزم جانە سپورت مينيسترلىگىنىڭ مالىمەتىنشە, تۋريستەر سانىنىڭ ايتارلىقتاي وسۋىنە 2023 جىلعى قاراشادا قازاقستان مەن قىتاي اراسىنداعى ءوزارا ۆيزاسىز رەجيمنىڭ ەنگىزىلۋى ىقپال ەتكەن. كەلىسىم اياسىندا ەكى ەلدىڭ ازاماتتارى ءبىر-ءبىرىنىڭ اۋماعىندا 30 كۇنتىزبەلىك كۇن ۆيزاسىز بولا الادى.
“قىتايدان كەلەتىن تۋريستىك اعىننىڭ ءوسۋى ءبىزدىڭ ەلدەرىمىزدىڭ تۋريزم سالاسىنداعى ءتيىمدى ءوزارا ءىس-قيمىلىنىڭ ماڭىزدى كورسەتكىشى. ۆيزاسىز رەجيمدى ەنگىزۋ جانە اۆيارەيستەر سانىنىڭ ارتۋى قازاقستاندى قىتايلىق تۋريستەرگە قولجەتىمدى ءارى تارتىمدى ەتتى. ءبىز ءوسىپ كەلە جاتقان سۇرانىستى قاناعاتتاندىرۋ جانە تۋريستىك اعىمنىڭ قارقىندى ءوسۋىن قولداۋ ءۇشىن تۋريستىك ينفراقۇرىلىمدى دامىتۋ جانە سەرۆيستى جاقسارتۋ بويىنشا جۇمىستى جالعاستىرامىز”, — دەپ اتاپ ءوتتى تۋريزم يندۋسترياسى كوميتەتىنىڭ توراعاسى نۇرتاس قاريپباەۆ.
بيىل تۋريزم جىلى اياسىندا ەلىمىزدى قىتايعا تانىتۋعا ەرەكشە كوڭىل بولىنۋدە. قىتايدىڭ ءىرى قالالارىندا قازاقستاننىڭ تۋريستىك مۇمكىندىكتەرىن تانۋدى ارتتىرۋعا باعىتتالعان 30-دان استام اۋقىمدى ءىس-شارالار وتكىزىلگەن.
