الەم جاڭالىقتارى
قازاقستانعا رەسمي تۇردە Toyota Camry 80 كەلدى. جاپوندىق جاڭا سەداننىڭ باعاسى قانشا?
فوتو: احتەم زيپەروۆ
قازاقستاندىقتار اراسىندا تانىمال Toyota Camry-ءدىڭ جاڭا بۋىنى اۆتوسالونداردا 4 قازاندا ساتىلا باستايدى. Camry 80 الەمگە 2023 جىلدىڭ قاراشا ايىنىڭ ورتاسىندا رەسمي تانىستىرىلعان. بۇل جولى جاپوندىق سەدان قازاقستانعا ءبىر جىلعا جۋىق ۋاقىت كەشىگىپ جەتتى, – دەپ حابارلايدى qandastar.kz kz.kursiv.media-عا سىلتەمە جاساپ.
ەكى ءتۇرلى قوزعالتقىش ۇسىنىلادى
بۇل جولى جاپوندىق سەداننىڭ ەكى ءتۇرى ۇسىنىلماق. ول ءداستۇرلى جانارمايمەن جۇرەتىن جانە گيبريد كولىك.
جانارمايمەن جۇرەتىن Camry-گە 204 ات كۇشى جانە 240 نم قۋاتى بار, 2,5 ليترلىك اتموسفەرالىق بەنزين قوزعالتقىش ورناتىلعان.
ال گيبريد نۇسقا العاش رەت ۇسىنىلىپ وتىر. ول 2,5 ليترلىك قوزعالتقىشقا نەگىزدەلگەن. 186 ات كۇشى مەن 221 نم قۋاتتى بار ەلەكترومەحانيكالىق ۆارياتور نەگىزىندە جۇرەدى.
قازاقستاندا Camry 80-ءنىڭ بەس ءتۇرى قولجەتىمدى
توعىزىنشى بۋىننىڭ ەڭ قولجەتىمدى نۇسقاسىن ديلەرلەر 18,8 ملن تەڭگەگە باعالاپ وتىر. بۇل اقشاعا ساتىپ الۋشى جەتى قاۋىپسىزدىك جاستىعى بار اۆتوكولىكتى جانە Toyota Safety Sense + 3.0 قوسالقى ەلەكترونيكاسىنىڭ تولىق سپەكترىن الادى. ونىڭ ىشىندە, مىسالى, اۆتوماتتى تەجەۋ جۇيەسى, جاسىرىن ايماقتاردى باقىلاۋ, ءاداپتيۆتى كرۋيزدىك باقىلاۋ, جولاقتى باقىلاۋ جانە ۇستاۋ, جوعارى جىلدامدىقتى اۆتوماتتى باسقارۋ تەتىگى جانە ت. ب. بار. اۆتوكولىك كىلتسىز اشۋ, جارىق جانە جاڭبىر سەنسورلارى, ەكى ايماقتىق كليماتتىق باقىلاۋ, اۆتوماتتى تۇردە رەتتەلەتىن جۇرگىزۋشى ورىندىعى, 12,3 ديۋيمدىك ەكرانى جانە التى ديناميگى بار مەديا جۇيەسى, 7 ديۋيمدىك ديسپلەيمەن جابدىقتالعان. كولىكتىڭ سالونى بىلعارى ەمەس, ماتا بولادى.
ودان كەيىنگى ورتاشا «پرەستيج» – نۇسقاسىنىڭ قۇنى 20,8 ملن تەڭگە تۇرادى. جارىقديودتى شامدار, اۆتوماتتى كۇڭگىرتتەنەتىن ارتقى اينا, اۆتوماتتى رەتتەلەتىن الدىڭعى جولاۋشى ورىندىعىمەن, جەلدەتىلەتىن الدىڭعى ورىندىقتارمەن, اۋا يونيزاتورىمەن جابدىقتالعان. سونداي-اق, 12,3 ديۋيمدىك ساندىق پانەل ورناتىلعان. ءرول جىلىتىلادى. ورىندىقتار ەكوبىلعارىمەن كومكەرىلگەن.
ودان كەيىنگى «ليۋكس» موديفيكاتسياسى 22,8 ملن تەڭگە تۇرادى. تسيفرلى ىشكى اينا, جۇرگىزۋشى ورىندىعىنا «ەستە ساقتاۋ» جۇيەسى ورناتىلعان. بۇعان قوسا جولاۋشىلار ورىندىعى جىلىتىلادى, ءۇش ايماقتىق كليماتتىق باقىلاۋ, توعىز ديناميككە نەگىزدەلگەن اۋديو جۇيە, جەتىلدىرىلگەن اۆتوتەجەۋ جۇيەسى, كۇننەن قورعايتىن پەردەلەر جانە پروەكتسيالىق ديسپلەيى بار.
گيبريدتى Camry «Prestige» جانە «Lux» نۇسقالارىندا تيىسىنشە 21,8 ملن جانە 23,8 ملن تەڭگە تۇرادى. ادەتتەگى 2,5 قوزعالتقىشى بار نۇسقاسىنان 1 ملن تەڭگەگە قىمباتىراق. گيبريدتەرگە ارنالعان رادياتور تورىنداعى اۆتوماتتى ىسىرمانى, تىزەگە ارنالعان قوسىمشا قاۋىپسىزدىك جاستىقشاسىن جانە Eco, Normal جانە Sport رەجيمىن اۋىستىرعىشتى قوسپاعاندا, سەدانداردىڭ كونفيگۋراتسيالارى بىردەي.
Toyota Camry كولىگىنىڭ جىلدار بويى سۇرانىسقا يە بولۋىنىڭ سىرى نەدە?
ەسكە سالا كەتسەك, ءباا-دە Toyota Camry 80 ساتىلا باستادى. قازاقستان نارىعىنا كولىك «سۇر» ساۋداگەرلەر ارقىلى كەلدى. ساراپشىلار Toyota Camry كولىگىنىڭ جىلدار بويى سۇرانىسقا يە بولۋ سەبەبىن ءتۇسىندىردى. ولاردىڭ پايىمىنشا, بۇل باعا مەن ساپا ۇيلەسىم تاپقان سەنىمدى كولىك.
«قازاقستاننىڭ اۆتوكولىك وداعى» مالىمەتىنشە, ماۋسىمدا جاڭا اۆتوكولىكتەر ساۋداسى مامىر ايىمەن سالىستىرعاندا 30,2% وسىپ, 16 688 جەڭىل كولىكتەر مەن كوممەرتسيالىق تەحنيكالار ساتىلعان. وسىلايشا التى ايدا 83 145 اۆتو ساۋدالاندى. بۇل 2023 جىلدىڭ ءبىرىنشى جارتىجىلدىعىنىڭ كورسەتكىشىنەن 0,1% تومەن (83 220 بىرلىك). وسىلايشا قازاقستاندىقتاردىڭ سۇيىكتى Toyota Camry-ءىن وزگە ءۇش برەند باسىپ وزدى.
