Qazaqstanǵa resmı túrde Toyota Camry 80 keldi. Japondyq jańa sedannyń baǵasy qansha?

Foto: Ahtem Zıperov

Qazaqstandyqtar arasynda tanymal Toyota Camry-diń jańa býyny avtosalondarda 4 qazanda satyla bastaıdy. Camry 80 álemge 2023 jyldyń qarasha aıynyń ortasynda resmı tanystyrylǵan. Bul joly japondyq sedan Qazaqstanǵa bir jylǵa jýyq ýaqyt keshigip jetti, – dep habarlaıdy qandastar.kz kz.kursiv.media-ǵa silteme jasap.

Eki túrli qozǵaltqysh usynylady

Bul joly japondyq sedannyń eki túri usynylmaq. Ol dástúrli janarmaımen júretin jáne gıbrıd kólik.

Janarmaımen júretin Camry-ge 204 at kúshi jáne 240 Nm qýaty bar, 2,5 lıtrlik atmosferalyq benzın qozǵaltqysh ornatylǵan.

Al gıbrıd nusqa alǵash ret usynylyp otyr. Ol 2,5 lıtrlik qozǵaltqyshqa negizdelgen. 186 at kúshi men 221 Nm qýatty bar elektromehanıkalyq varıator negizinde júredi.

Qazaqstanda Camry 80-niń bes túri qoljetimdi

Toǵyzynshy býynnyń eń qoljetimdi nusqasyn dılerler 18,8 mln teńgege baǵalap otyr. Bul aqshaǵa satyp alýshy jeti qaýipsizdik jastyǵy bar avtokólikti jáne Toyota Safety Sense + 3.0 qosalqy elektronıkasynyń tolyq spektrin alady. Onyń ishinde, mysaly, avtomatty tejeý ​​júıesi, jasyryn aımaqtardy baqylaý, adaptıvti krýızdik baqylaý, jolaqty baqylaý jáne ustaý, joǵary jyldamdyqty avtomatty basqarý tetigi jáne t. b. bar. Avtokólik kiltsiz ashý, jaryq jáne jańbyr sensorlary, eki aımaqtyq klımattyq baqylaý, avtomatty túrde retteletin júrgizýshi oryndyǵy, 12,3 dıýımdik ekrany jáne alty dınamıgi bar medıa júıesi, 7 dıýımdik dıspleımen jabdyqtalǵan. Kóliktiń salony bylǵary emes, mata bolady.

Odan keıingi ortasha «Prestıj» – nusqasynyń quny 20,8 mln teńge turady. Jaryqdıodty shamdar, avtomatty kúńgirttenetin artqy aına, avtomatty retteletin aldyńǵy jolaýshy oryndyǵymen, jeldetiletin aldyńǵy oryndyqtarmen, aýa ıonızatorymen jabdyqtalǵan. Sondaı-aq, 12,3 dıýımdik sandyq panel ornatylǵan. Ról jylytylady. Oryndyqtar ekobylǵarymen kómkerilgen.

Odan keıingi «Lıýks» modıfıkaııasy 22,8 mln teńge turady. ıfrly ishki aına, júrgizýshi oryndyǵyna «este saqtaý» júıesi ornatylǵan. Buǵan qosa jolaýshylar oryndyǵy jylytylady, úsh aımaqtyq klımattyq baqylaý, toǵyz dınamıkke negizdelgen aýdıo júıe, jetildirilgen avtotejeý ​​júıesi, kúnnen qorǵaıtyn perdeler jáne proekııalyq dıspleıi bar.

Gıbrıdti Camry «Prestige» jáne «Lux» nusqalarynda tıisinshe 21,8 mln jáne 23,8 mln teńge turady.  Ádettegi 2,5 qozǵaltqyshy bar nusqasynan 1 mln teńgege qymbatyraq. Gıbrıdterge arnalǵan radıator toryndaǵy avtomatty ysyrmany, tizege arnalǵan qosymsha qaýipsizdik jastyqshasyn jáne Eco, Normal jáne Sport rejımin aýystyrǵyshty qospaǵanda, sedandardyń konfıgýraııalary birdeı.

Toyota Camry kóliginiń jyldar boıy suranysqa ıe bolýynyń syry nede?

Eske sala ketsek, BAÁ-de Toyota Camry 80 satyla bastady. Qazaqstan naryǵyna kólik «sur» saýdagerler arqyly keldi. Sarapshylar Toyota Camry kóliginiń jyldar boıy suranysqa ıe bolý sebebin túsindirdi. Olardyń paıymynsha, bul baǵa men sapa úılesim tapqan senimdi kólik.

«Qazaqstannyń Avtokólik Odaǵy» málimetinshe, maýsymda jańa avtokólikter saýdasy mamyr aıymen salystyrǵanda 30,2% ósip, 16 688 jeńil kólikter men kommerııalyq tehnıkalar satylǵan. Osylaısha alty aıda 83 145 avto saýdalandy. Bul 2023 jyldyń birinshi jartyjyldyǵynyń kórsetkishinen 0,1% tómen (83 220 birlik). Osylaısha qazaqstandyqtardyń súıikti Toyota Camry-in ózge úsh brend basyp ozdy.