Jańalyqtar
Qazaqstannyń birneshe óńirinde júrgizýshiler avtogaz tappaı, uzyn-sonar kezekte tur
Foto: vıdeodan skrın
Qazaqstannyń Aqtóbe men Batys Qazaqstan oblysynda júrgizýshiler avtogaz tappaı, taǵy tyǵyryqqa tireldi. О́ńirde suıytylǵan otyn tapshy. Beketterde uzyn-sonar kezek paıda bolyp, kóp jerde gaz talonmen berilip jatyr. Bul týraly Stan.kz aqparat agenttigi Informbıýro baǵdarlamasyna silteme jasap habarlaıdy.
Derekterge sensek, sheneýnikter óńirde gazben júretin kólikter keıingi jyldary kúrt kóbeıipti. Sonyń kesirinen aı saıyn aımaqqa beriletin 4 myń tonnaǵa jýyq gaz jetpeı jatqanyn jasyrmaıdy.
Qaladaǵy kólik júrgizýshileriniń teń jartysy gazben júredi. Tózimi taýsylǵan azamattar jyl saıyn kúzde osy jaǵdaıǵa tap bolamyz dep otyr. Qazir Aqtóbede bir lıtr gazdyń quny – 59 teńge.
«Talondy bilmeımiz qaıdan alýǵa, talon da durys joq. Mynaý bir bitpeıtin kezek. Búkil qalada osylaı, dalaǵa shyqqanda da, Martýk jaqta da, Qandyaǵash jaqta da gaz joq. Adamdardy qınap boldy ǵoı, ne degen masqara?! Al sheneýnikter bul jaǵdaıdy qurylys jumystarynyń artýymen baılanystyrady. Qyrkúıek aıynda óńirge 11 337 tonna gaz bólingen. Biraq ol jetpeı, energetıka mınıstrliginen taǵy eki tonna suıytylǵan gaz surattyq deıdi. Oblystaǵy munaı kompanııasynan alynǵan avtogazdyń bir bóligi jolda eken. Sondyqtan másele apta sońyna deıin sheshiledi deıdi jaýapty basqarma basshysy», – dedi júrgizýshi Orynbaı Baıdáýletov.
Aqtóbe oblystyq kásipkerlik basqarmasynyń basshysy gazdy tasymaldaý bastalǵanyn habarlady.
«Búgin keshke deıin, erteń amandyq bolsa túske deıin Aqtóbe oblysyna 30 vagon keledi. Ol – 1 080 tonna. Ol qalany tolyǵymen jabýǵa jetedi. Sonymen qatar 5 qazannan bastap qosymsha gazdyń kólemin tasymaldaý bastalady. Qazan aıynda barlyǵy gazben qamtylady», – dedi basqarma basshysy Almas Salyqbaev.
Eske salaıyq, buǵan deıin energetıka vıe-mınıstri Álibek Jamaýov 2025 jyly Qazaqstanda avtogaz baǵasy taǵy da kóteriletinin aıtty. Energetıka vıe-mınıstri Álibek Jamaýov 2025 jyly Qazaqstanda avtogaz baǵasy taǵy da kóteriletinin aıtty. Kelesi jyly da gaz shamamen 10 teńgege qymbattaıdy.
