قازاقستاننىڭ وڭتۇستىگى مەن باتىسىنا قۇرعاقشىلىق قاۋپى ءتونىپ تۇر

«قازگيدرومەت» الداعى ماۋسىمدا قازاقستاننىڭ وڭتۇستىك جانە باتىس وڭىرلەرىندە جاۋىن-شاشىن تاپشىلىعىندا قۇرعاقشىلىق بولۋى مۇمكىن ەكەنىن بولجادى. وسىعان بايلانىستى ۇكىمەت وتىرىسىندا سۋ رەسۋرستارى ءمينيسترى نۇرجان نۇرجىگىتوۆ وڭىرلەر اكىمدىكتەرىن, اۋىل شارۋاشىلىعى مينيسترلىگىن, باسسەيندىك ينسپەكتسيالار مەن «قازسۋشار» فيليالدارىن شۇعىل شارالار قابىلداۋعا شاقىردى. بۇل تۋرالى qandastar.kz سايتى حابارلادى.

قۇرعاقشىلىق بويىنشا بولجامدار دۇنيەجۇزىلىك مەتەورولوگيالىق ۇيىمنىڭ جانە سولتۇستىك ەۋرازيالىق كليماتتىق ورتالىقتىڭ دەرەكتەرىمەن راستالادى. قۇرعاقشىلىقتىڭ بولۋ كەزەڭى مامىردان شىلدەگە دەيىن.

قاۋىپتەر ءبىرىنشى كەزەكتە جايىق جانە سىرداريا وزەندەرىنىڭ باسسەيندەرىنە ءتونىپ تۇر. بۇل اگرارلىق سەكتور ءۇشىن ەلەۋلى قيىندىقتار تۋعىزۋى مۇمكىن.

«ىلعال تاپشىلىعىنىڭ سالدارىن بارىنشا ازايتۋعا باعىتتالعان جەدەل شارالار كەشەنىن پىسىقتاۋ قاجەت», –  دەدى نۇرجىگىتوۆ.

تۇركىستان جانە قىزىلوردا وبلىستارى ەرەكشە الاڭداۋشىلىق تۋعىزۋدا. ءمينيستردىڭ ايتۋىنشا, 6 مامىرداعى جاعداي بويىنشا بۇل باسسەيندەگى سۋ قويمالارىنىڭ ورتاشا تولۋ دەڭگەيى نەبارى 75% قۇرايدى.