جاڭالىقتار
قازاقتىڭ ۇلتتىق داستۇرلەرى يۋنەسكو قاراجاتىمەن قورعالاتىن بولدى
![](https://qandastar.kz/wp-content/uploads/2024/03/IMG_4247-780x405.jpeg)
سىرتقى ىستەر مينيسترلىگىنىڭ حابارلاۋىنشا, يۋنەسكو حالىقارالىق قورىنىڭ شتاب-پاتەرىندە ماتەريالدىق ەمەس مادەني مۇرانى قورعاۋ جونىندەگى ۇكىمەتارالىق كوميتەتتىڭ 19-شى بيۋروسىنىڭ وتىرىسى وتكەن. وندا ولار العاش رەت ۇيىمنان قازاقستاندىق جوباعا قارجى ءبولۋدى ۇيعاردى.
قازاقستاننىڭ ءوتىنىشى – ماقۇلدانعان 4 ءوتىنىشتىڭ ءبىرى. ەلگە 99,6 مىڭ دوللار ءبولىندى. بۇل اقشا ماتەريالدىق ەمەس مادەني مۇرانىڭ ۇلتتىق ءتىزىمىن جاڭارتۋعا جۇمسالادى. سونىمەن قاتار, يۋنەسكو-نىڭ قاراجاتى قازاقستاننىڭ 5 ايماعىندا ICH قورعاۋ سالاسىنداعى الەۋەتتى ارتتىرۋعا كومەكتەسەدى.
قازاقستاننىڭ يۋنەسكو جانىنداعى تۇراقتى وكىلى اسقار ءابدىراحمانوۆ قورعا كورسەتىلگەن قولداۋ ءۇشىن العىس ءبىلدىرىپ, رەسپۋبليكانىڭ ءوز اۋماعىندا دا, ودان تىس جەرلەردە دە ادامزاتتىڭ مادەني مۇراسىن قورعاۋعا ءوز ۇلەسىن قوساتىنىنا سەندىردى.
قازاقستانداعى ماتەريالدىق ەمەس مادەني مۇرا نىساندارىنا قازاق كۇرەسى, كۇي, جىرتقىش قۇستارمەن اڭشىلىق ونەرى, ناۋرىز, ءداستۇرلى اسىق ويىنى جانە باسقا دا كوپتەگەن ۇلتتىق داستۇرلەر جاتادى.