قازىر اەس-كە تەڭ كەلەتىن بالاما جوق – مينيستر

فوتو: اشىق دەرەككوز

ۇكىمەت وتىرىسىندا ەنەرگەتيكا ءمينيسترى الماسادام ساتقاليەۆ وسىلاي دەپ مالىمدەدى, – دەپ حابارلايدى qandastar.kz

“قازىردىڭ وزىندە ونەركاسىپ, مەتاللۋرگيا, كولىك, IT, مەديتسينا, فارماتسەۆتيكا جانە اۋىل شارۋاشىلىعى ونىمدەرىن قايتا وڭدەۋ سياقتى سەكتورلاردا جاڭا جوبالاردى ىسكە اسىرۋ ءۇشىن ەلەكتر ەنەرگياسىنىڭ ەداۋىر كولەمى (شامامەن 8 گۆت) قاجەت. بۇل جوبالار جاڭا جۇمىس ورىندارىن قۇرۋعا, ەكونوميكالىق ءوسۋدى ىنتالاندىرۋعا جانە ازاماتتاردىڭ ءال-اۋقاتىن ارتتىرۋعا قابىلەتتى. الايدا ولاردىڭ دامۋى قازىر ەلدەگى ەنەرگيا قۋاتىنىڭ جەتىسپەۋشىلىگىمەن شەكتەلۋدە.

الەمدىك تاجىريبە كورسەتىپ وتىرعانداي, اتوم ەلەكتر ستانتسياسىنىڭ قۇرىلىسى شىعاتىن قۋاتتاردى اۋىستىرۋ جانە قازاقستاننىڭ ەنەرگياعا تاۋەلسىزدىگىن قامتاماسىز ەتۋ ءۇشىن جالعىز دۇرىس شەشىم بولىپ كورىنەدى. قازىرگى كەزەڭدە اەس بالاما جوق.

اتوم ەنەرگەتيكاسىن دامىتۋ ءۇشىن بىزدە بارلىق قاجەتتى جاعدايلار بار ەكەنىن اتاپ وتكەن ءجون. قازاقستان وندىرىلەتىن تابيعي ۋران كولەمى بويىنشا الەمدە ءبىرىنشى ورىندا جانە ءىس جۇزىندە تولىق يادرولىق-وتىن تسيكلىنە يە», – دەدى مينيستر.