جاڭالىقتار
«قازپوشتا» قازاقستانعا 2,9 ملرد تەڭگە شىعىن اكەلدى
فوتو: shutterstock
«سامۇرىق-قازىناعا» تيەسىلى «قازپوشتا» 2025 جىلدىڭ ءبىرىنشى جارتىجىلدىعىندا 2,9 ميلليارد تەڭگە شىعىنعا ۇشىراعان, دەپ جازدى qandastar.kz
بۇل تۋرالى Stan.kz اقپارات اگەنتتىگى حابارلايدى.
كومپانيا 2024 جىلدىڭ ءبىرىنشى جارتى جىلدىعىنىڭ قورىتىندىسى بويىنشا ءوز اكتسيونەرلەرىنە 731,1 ميلليون تەڭگە پايدا اكەلگەن. وسىلايشا, ءبىر جىلمەن سالىستىرعاندا قۇن 3,6 ميلليارد تەڭگەدەن استام تومەندەدى.
كومپانيانىڭ شىعىن كوەففيتسيەنتىنە قارجىلىق شىعىندار اسەر ەتتكەن. ول 4 ەسەگە جۋىق نەمەسە 19,4 ميلليارد تەڭگەگە ءوسىپ, 26 ميلليارد تەڭگەگە جەتكەن. قارجىلىق شىعىستاردىڭ ۇلعايۋى قارجىلىق تابىستىڭ (9,9 ميلليارد) جانە كىرىستەردىڭ (6,4 ميللياردقا) ۇلعايۋىمەن وتەلدى.
«قازپوشتانىڭ» اكتيۆتەرى جارتى جىلدا 41,5%-عا ءوسىپ, 570,2 ميلليارد تەڭگەگە جەتتى. مىندەتتەمەلەر – 46,8%-عا, 533,8 ميلليارد بولدى.
2025 جىلدىڭ مامىرىندا اكتسيونەرلەردىڭ جالپى جينالىسىنىڭ قورىتىندىسى بويىنشا «قازپوچتا» 2024 قارجى جىلى ءۇشىن ديۆيدەندتەردى تولەۋدەن باس تارتۋ تۋرالى شەشىم قابىلدادى. ەسەپتى كەزەڭدەگى 2,2 ميلليارد تەڭگە كولەمىندەگى تازا پايدانى كاسىپورىن يەلىگىندە قالدىرۋ تۋرالى شەشىم قابىلداندى.
