جاڭالىقتار
كەي ازاماتتارعا باسپانانىڭ العاشقى جارناسىن مەملەكەت تولەۋى مۇمكىن
فوتو: ءىnbusiness.kz
ۇلتتىق بانك توراعاسى باسەكەلەستىكتى قورعاۋ جانە دامىتۋ اگەنتتىگىنىڭ ۇسىنىسىنا قاتىستى وسىلاي دەپ جاۋاپ بەرىپ, ماسەلە قاراستىرىلاتىندىعىن جەتكىزدى, – دەپ حابارلايدى qandastar.kz.
ءارى «وتباسى بانك» سياقتى وزگە دە بانكتەر جۇمىس ىستەسە, دۇرىس بولاتىندىعىن ايتتى. atamekenbusiness تەلەگرام ارناسى جازعانداي, بىراق تيمۋر سۇلەيمەنوۆ اگەنتتىكتىڭ باستاماسى ءالى تالقىلاۋعا الىنبادى دەدى.
ەستەرىڭىزدە بولسا, باسەكەلەستىكتى قورعاۋ اگەنتتىگى 2021-2023 جىلدار ارالىعىنداعى يپوتەكا نارىعىنا تالداۋ جۇرگىزىپ, ناتيجەسىمەن بولىسكەن. سوندا باسپانا الۋدى جەڭىلدەتەتىن 5 ۇسىنىس ايتقان.
ماسەلەن ادامنىڭ جاعدايىنا قاراپ, نەسيەلەردى سول ازاماتتارعا تىكەلەي سۋبسيديالاۋ قاجەت دەپ سانايدى. تۇرعىن ءۇي دەپوزيتتەرىن اشۋ ءۇشىن زەينەتاقى قورىنداعى بىرجولعى تولەمدەردى پايدالانۋعا رۇقسات بەرۋدى ۇسىندى. سونداي-اق, قارىز الۋشىلار ءۇشىن جەكە تابىس سالىعىن ازايتىپ, مەملەكەت باستاپقى جارناعا كومەكتەسۋى ءتيىس دەيدى. ءارى «وتباسى بانكىنىڭ» نارىقتاعى ۇلەسىن ازايتىپ, ەكىنشى دەڭگەيلى بانكتەردە جيناق اشۋدى ۇسىنعان.
