Keı azamattarǵa baspananyń alǵashqy jarnasyn memleket tóleýi múmkin

Foto: inbusiness.kz

Ulttyq bank tóraǵasy Básekelestikti qorǵaý jáne damytý agenttiginiń usynysyna qatysty osylaı dep jaýap berip, másele qarastyrylatyndyǵyn jetkizdi, – dep habarlaıdy  qandastar.kz.

Ári «Otbasy bank» sııaqty ózge de bankter jumys istese, durys bolatyndyǵyn aıtty. atamekenbusiness telegram arnasy jazǵandaı, biraq Tımýr Súleımenov agenttiktiń bastamasy áli talqylaýǵa alynbady dedi.

Esterińizde bolsa, Básekelestikti qorǵaý agenttigi 2021-2023 jyldar aralyǵyndaǵy ıpoteka naryǵyna taldaý júrgizip, nátıjesimen bólisken. Sonda baspana alýdy jeńildetetin 5 usynys aıtqan.

Máselen adamnyń jaǵdaıyna qarap, nesıelerdi sol azamattarǵa tikeleı sýbsıdııalaý qajet dep sanaıdy. Turǵyn úı depozıtterin ashý úshin zeınetaqy qoryndaǵy birjolǵy tólemderdi paıdalanýǵa ruqsat berýdi usyndy. Sondaı-aq, qaryz alýshylar úshin jeke tabys salyǵyn azaıtyp, memleket bastapqy jarnaǵa kómektesýi tıis deıdi. Ári «Otbasy bankiniń» naryqtaǵy úlesin azaıtyp, ekinshi deńgeıli bankterde jınaq ashýdy usynǵan.