Keı óńirde +38°S-qa deıin ystyq bolady

Sınoptıkter 2025 jylǵy 9 shilde, sársenbi kúni Qazaqstanda aýa raıy qandaı bolatynyn habarlady, dep habarlaıdy Qandastar.kz.

«Qazgıdromet» RMK málimetinshe, kúndiz myna óńirlerde qatty ystyq kútiledi:

• Batys Qazaqstan, Almaty, Jetisý oblystary men Aqtóbe oblysynyń ońtústiginde – +35°S deıin,

• Atyraý oblysynda – +35…+37°S,

• Mańǵystaý oblysynyń ońtústiginde – +38°S deıin.

Sınoptıkterdiń boljamyna saı:

«Atmosferalyq fronttar eldiń soltústigi, ońtústigi, ońtústik-shyǵysy men ortalyǵynda turaqsyz aýa raıyn qalyptastyryp, naızaǵaıly jańbyr jaýady. Soltústikte qatty jańbyr jaýýy múmkin, kúndiz burshaq jaýý yqtımaldyǵy bar. Al qalǵan óńirlerde antııklon áserinen jaýyn-shashynsyz aýa raıy kútiledi. El boıynsha jel kúsheıip, soltústik pen ońtústik-shyǵysta daýyldy jel, al túnde jáne tańerteń soltústik pen soltústik-batysta tuman bolady».

Sondaı-aq, sınoptıkter órt qaýpi joǵary aımaqtardy atady:

Joǵary órt qaýipi:

• Mańǵystaý, Atyraý,

• Almaty oblysynyń shyǵysy,

• Shyǵys Qazaqstan oblysynyń ońtústigi men ortalyǵy,

• Batys Qazaqstan oblysynyń batysy men ońtústigi,

• Qaraǵandy oblysynyń ortalyǵy,

• Ulytaý oblysynyń ońtústigi, shyǵysy men ortalyǵy,

• Aqmola oblysynyń batysy men soltústigi,

• Aqtóbe oblysynyń ońtústigi men ońtústik-shyǵysy.

Tótenshe órt qaýipi:

• Jambyl, Qyzylorda, Túrkistan,

• Jetisý oblystary,

• Almaty oblysynyń soltústigi, batysy, ońtústigi men ortalyǵy,

• Qaraǵandy oblysynyń batysy, ońtústigi jáne shyǵysy,

• Aqtóbe oblysynyń ortalyǵy,

• Mańǵystaý oblysynyń soltústik-batysy,

• Qostanaı oblysynyń ońtústik-batysy,

• Abaı oblysynyń ońtústigi.