جاڭالىقتار
كەيبىر زاڭ اكتىلەرىنە وزگەرىستەر ەنگىزۋ ءماجىلىس وتىرىسىندا ماقۇلداندى
پارلامەنت ءماجىلىسىنىڭ جالپى وتىرىسىندا قر كەيبىر زاڭنامالىق اكتىلەرىنە, قر اكىمشىلىك-اۋماقتىق قۇرىلىسىن, مەملەكەتتىك باسقارۋ جۇيەسىن جانە بيۋدجەتارالىق قاتىناستاردى جەتىلدىرۋ ماسەلەلەرىنە وزگەرىستەر مەن تولىقتىرۋلار ەنگىزۋ تۋرالى زاڭ جوباسى ماقۇلداندى.
زاڭ جوباسىندا 5 كودەكسكە, ونىڭ ىشىندە جەر, بيۋدجەت, قىلمىستىق پروتسەستەر, ازاماتتىق پروتسەستىك جانە سالىقتىق كودەكستەرگە جانە 12 زاڭعا, ونىڭ ىشىندە قر ۇلتتىق قاۋىپسىزدىك ورگاندارى تۋرالى, قورعانىس جانە قارۋلى كۇشتەر تۋرالى, سىرتقى بارلاۋ تۋرالى, قر استاناسىنىڭ مارتەبەسى تۋرالى جانە ت.ب. زاڭدارعا وزگەرىستەر مەن تولىقتىرۋلار ەنگىزۋ كوزدەلگەن.
«اتالعان زاڭ جوباسى شاعىن جانە ورتا بيزنەستەن تۇسەتىن كورپوراتيۆتىك تابىس سالىعىن جەرگىلىكتى بيۋدجەتتەرگە بەرۋمەن بايلانىستى فيسكالدىق ورتالىقتاندىرۋ شەڭبەرىندە بيۋدجەتارالىق قاتىناستار سالاسىنداعى قازاقستان رەسپۋبليكاسىنىڭ زاڭناماسىن جەتىلدىرۋگە, سونداي-اق مەملەكەتتىك كۇزەت قىزمەتىنە جانە سىرتقى بارلاۋ قىزمەتىنىڭ قايتا قۇرۋلارىمەن بايلانىستى قر زاڭناماسىنا سايكەستەندىرۋگە باعىتتالعان»,- دەدى ەكونوميكالىق رەفورما جانە وڭىرلىك دامۋ كوميتەتىنىڭ توراعاسى نۇرتاي سابيليانوۆ.
ايتۋىنشا, ەكونوميكالىق رەفورما جانە وڭىرلىك دامۋ كوميتەتى وسى زاڭ جوباسىن قابىلداپ, 2020 جىلدىڭ قاراشاسىنا دەيىن قورىتىندى ازىرلەيدى. اۆتورى: د. دوسپان
دەرەككوز: https://24.kz/
