Keıbir zań aktilerine ózgerister engizý Májilis otyrysynda maquldandy

Parlament Májilisiniń jalpy otyrysynda QR keıbir zańnamalyq aktilerine, QR ákimshilik-aýmaqtyq qurylysyn, memlekettik basqarý júıesin jáne bıýdjetaralyq qatynastardy jetildirý máselelerine ózgerister men tolyqtyrýlar engizý týraly zań jobasy maquldandy.

Zań jobasynda 5 kodekske, onyń ishinde jer, bıýdjet, qylmystyq proester, azamattyq proestik jáne salyqtyq kodeksterge jáne 12 zańǵa, onyń ishinde QR Ulttyq qaýipsizdik organdary týraly, Qorǵanys jáne qarýly kúshter týraly, Syrtqy barlaý týraly, QR astanasynyń mártebesi týraly jáne t.b. zańdarǵa ózgerister men tolyqtyrýlar engizý kózdelgen.

«Atalǵan zań jobasy shaǵyn jáne orta bıznesten túsetin korporatıvtik tabys salyǵyn jergilikti bıýdjetterge berýmen baılanysty fıskaldyq ortalyqtandyrý sheńberinde bıýdjetaralyq qatynastar salasyndaǵy Qazaqstan Respýblıkasynyń zańnamasyn jetildirýge, sondaı-aq memlekettik kúzet qyzmetine jáne  syrtqy barlaý qyzmetiniń qaıta qurýlarymen baılanysty QR zańnamasyna sáıkestendirýge baǵyttalǵan»,- dedi Ekonomıkalyq reforma jáne óńirlik damý komıtetiniń tóraǵasy Nurtaı Sabılıanov.

Aıtýynsha, ekonomıkalyq reforma jáne óńirlik damý komıteti osy zań jobasyn qabyldap, 2020 jyldyń qarashasyna deıin qorytyndy ázirleıdi. Avtory: D. Dospan

Derekkóz: https://24.kz/