«Keıin bul isine ókindi». Ulttyq quramanyń burynǵy bas bapkeri Dáýlet Turlyhanovqa qatysty oıyn aıtty

Foto: Fotokollaj

Ulttyq quramanyń burynǵy bas bapkeri Tursynǵalı Edilov «Ýaqyt kórsetedi» youtube-arnasyna bergen suhbatynda bas bapkerlikten alyp tastaǵan Dáýlet Turlyhanovqa qatysty oıyn aıtty, – dep habarlaıdy Massaget.kz tilshisi.

Onyń aıtýynsha, Dáýlet Turlyhanov keıin bul isine ókingen.

«Bas bapkerlikten meni alyp tastaǵan Dáýlet Turlyhanov. Nelikten ondaı qadamǵa barǵanyn bilmeımin. Muny eske alǵym kelmeıdi. Dáýlet qazaqtyń keremet azamaty. Biz onymen týǵan qudamyz, týyspyz. Qaırat inim Dáýlettiń qaryndasyn jar etip alǵan edi. Meniń unamaıtyn jerim bar shyǵar. Renish joq. Adam bolýymyz kerek qoı. Qanshama eńbek etip, talaı azamatty shyǵardyq. El muny estigisi kelmeıdi, kórgisi kelmeıdi. Sebebi bizdiń qazaq qyzǵanshaq, ishi tar. Keıin Dáýlet Turlyhanov maǵan «beker olaı istedim» dep ókinetinin aıtty. Biz Dáýletpen bir-birimizdi burynnan biletinbiz. Talaı talonmen tamaq ishetinbiz. Dáýletti qalaı jamandaıyn», – dedi ol.