كەلەر جىلى قانشا كۇن دەمالىس بار?

فوتو: اشىق دەرەككوز

2025 جىلى قازاقستاندىقتاردى جاڭا جىل مەن ناۋرىز مەرەكەلەرىندە ۇزاق دەمالىس كۇتىپ تۇر. قاڭتاردىڭ ءبىرىنشى اپتاسىندا بەس كۇننىڭ تەك بىرەۋى عانا جۇمىس كۇنى بولسا, ال ناۋرىزدا قاتارىنان بەس كۇن دەمالىس بەرىلەدى, دەپ حابارلادى qandastar.kz

التى كۇندىك جۇمىس اپتاسىن ەسەپتەمەگەندە, 2025 جىلعى دەمالىس كۇندەرى كەلەسىدەي كۇتىلەدى:

– قاڭتاردا جاڭا جىلعا ءتورت كۇن دەمالامىز -1, 2, 3 جانە 4 قاڭتار, 5 قاڭتار جۇمىس كۇنى;

– روجدەستۆو – 2025 جىلعى 7 قاڭتار سەيسەنبىگە كەلەدى, دەمەك قوسىمشا دەمالىس كۇنى بولادى;

– 2025 جىلعى 8 ناۋرىز (حالىقارالىق ايەلدەر كۇنى) سەنبىگە كەلەدى, سوندىقتان 10 ناۋرىز (دۇيسەنبى) قوسىمشا دەمالىس;

– ناۋرىز مەيرامى – 21-23 ناۋرىز ارالىعىندا جۇما, سەنبى جانە جەكسەنبىگە كەلەدى, سوندىقتان 24 جانە 25 ناۋرىز (دۇيسەنبى جانە سەيسەنبى) قوسىمشا دەمالىس, جالپى دەمالىس بەس كۇنگە جالعاسادى;

– 2025 جىلعى مامىردا قازاقستان حالقىنىڭ بىرلىگى كۇنىنە — 1 مامىر (بەيسەنبى), وتان قورعاۋشىلار كۇنى — 7 مامىر (سارسەنبى) جانە جەڭىس كۇنى — 9 مامىر (جۇما). ىڭعايلى بولۋ ءۇشىن دەمالىس جانە جۇمىس كۇندەرىن اۋىستىرۋى مۇمكىن;

– ماۋسىم ايىندا قۇربان ايت 6 ماۋسىمعا (جۇما) ءتۇسىپ تۇر;

– شىلدە ايىندا استانا كۇنى جەكسەنبىگە سايكەس كەلۋىنە بايلانىستى ءۇش كۇن قاتارىنان دەمالىس بولادى;

– 2025 جىلدىڭ تامىز-قىركۇيەك ايلارىندا كونستيتۋتسيا كۇنى-30 تامىز (سەنبى), سوندىقتان قوسىمشا دەمالىس كۇنى — 1 قىركۇيەككە (دۇيسەنبى) اۋىسادى;

– 2025 جىلدىڭ قازان ايىندا رەسپۋبليكا كۇنى دەمالىس كۇنگە سايكەس كەلەدى, سوندىقتان تاعى ءبىر قوسىمشا دەمالىس بولادى;

– 2025 جىلعى جەلتوقساندا تاۋەلسىزدىك كۇنى سەيسەنبىگە سايكەس كەلەدى, بۇل قازاقستاندىقتارعا قوسىمشا دەمالىس كۇنىن سىيلايدى;

ەسكە سالا كەتەيىك, قر ەڭبەك كودەكسىنىڭ 85-بابىنىڭ 3-تارماعىنا سايكەس مەرەكە جانە دەمالىس كۇندەرى جۇمىس ۋاقىتىن ۇتىمدى پايدالانۋ ءۇشىن ەڭبەك جونىندەگى ۋاكىلەتتى ورگان دەمالىس كۇندەرىن باسقا جۇمىس كۇندەرىنە اۋىستىرۋعا قۇقىلى.