جاڭالىقتار
كەلەر جىلى مىڭعا جۋىق زاپاستاعى وفيتسەر اسكەري قىزمەتكە شاقىرىلادى
فوتو: اشىق دەرەككوز
قازاقستان ۇكىمەتى 2024 جىلعى 20 قاراشاداعى «زاپاستاعى وفيتسەرلەردى اسكەري قىزمەتكە شاقىرۋ تۋرالى» قاۋلى قابىلدادى, دەپ جازادى qandastar.kz
«زاڭدا بەلگىلەنگەن تارتىپپەن 2025 جىلى اسكەري قىزمەتكە جارامدى جانە ونى وتەمەگەن زاپاستاعى وفيتسەرلەر 24 اي مەرزىمگە اسكەري قىزمەتكە وفيتسەرلىك لاۋازىمدارعا شاقىرىلسىن», — دەلىنگەن قۇجاتتا.
بارلىعى 915 ادام شاقىرىلادى, ونىڭ ىشىندە:
- قازاقستان رەسپۋبليكاسىنىڭ قارۋلى كۇشتەرى, باسقا دا اسكەرلەرى مەن اسكەري قۇرالىمدارى – 700 ادام;
- قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ شەكارا قىزمەتى – 80 ادام;
- قازاقستان رەسپۋبليكاسى ىشكى ىستەر مينيسترلىگىنىڭ ۇلتتىق ۇلانى – 131 ادام;
- قازاقستان رەسپۋبليكاسى توتەنشە جاعدايلار مينيسترلىگى – 4.
