«كەزىندە «ديكي» ارماننىڭ جانىنان شىقپاپ ەدى»: حاسانمەن بىرگە كوزگە تۇسكەن ونەر جۇلدىزدارى سىنعا قالدى

فوتو: الەۋمەتتىك جەلىدەن

الەۋمەتتىك جەلىدە ءبىر توپ ونەر وكىلدەرىنىڭ تالعارداعى وقيعا قاتىسى بار دەگەن كۇدىكتى حاسانمەن بىرگە تۇسكەن سۋرەتتەرى تارادى, دەپ حابارلايدى qandastar.kz ozgeris.info-عا سىلتەمە جاساپ.

وتىرىستا تۇسىرىلگەن سۋرەتتەن جانار ايجانوۆا مەن شاھيزادانى بايقاۋعا بولادى.

سونداي-اق پالۋان بەيبىت ىستىباەۆ تا بار. جەلى قولدانۋشىلارى بولسا, انشىلەردەن ابدەن كوڭىلى قالعانىن جارىسا جازدى.

«تالعارداعى مافيانىڭ باسشىسى بولىپ جۇرگەن حاساننىڭ جانىندا ءبىزدىڭ ونەر جۇلدىزدارى دا جۇرگەن ەكەن. وعان دالەل وسى سۋرەتتەر. «ديكي» ارماننىڭ دا جانىنا بارلىعى بارىپ, سوعان ارناۋ ارناپ, ءانىن ايتىپ ەدى. بىراق سوت كەزىندە بىردە-بىرەۋن تاپپادى. جۋرنالسيتەر بارىپ سۇراعاندا تانىمايمىن دەدى. بىراق سولار ارقىلى شارۋالارىن شەشتى. ونەر جۇلدىزدارىن شەگىرتكە دەگەن ەدى. سول راس سياقتى. تۇراقسىز, سوزدەرىنە جاۋاپ بەرە المايدى. تانىس ونەر ادامدارىنىڭ بارىنەن باس تارتا بەرۋ كەرەك سياقتى», — دەدى جەلى قولدانۋشىسى.

ەستەرىڭىزگە سالا كەتەيىك, ۆرەميا باسىلىمى شەرزاتتىڭ ولىمىنە باستى كۇدىكتى دەپ تانىلعان توپتى ءۇش اعايىندى جىگىت باسقاراتىنىن جازعان بولاتىن. قازستروي اۋىلىنان شىققان بۇل ۇيىمداسقان قىلمىستىق توپتى تالعارلىقتاردىڭ وزدەرى دە جاقسى بىلەدى.

“بۇل توپتى حاسان, اسلان, ەرجان دەگەن ءۇش اعايىندى باسقارادى. فاميلياسىن ناقتى بىلمەيمىن, بىراق ءبارى بىلەدى. بۇل جىگىتتەردىڭ قۇربانى بولعاندار كوپ. ولاردىڭ پىشاقپەن ۇراتىن ادەتى بار. ءتىپتى ۇلتتىق قاۋىپسىزدىك كوميتەتىنىڭ وكىلىن دە پىشاقتاپ كەتتى. سودان كەدەن قىزمەتكەرىنىڭ باسىنان تۇتىكپەن (ترۋبو) ۇرعان. بۇل اتىشۋلى ءىس», – دەدى اتىن اتاماۋدى وتىنگەن تالعار قالاسىنىڭ تۇرعىنى.