قحا تاسقىنىنان زارداپ شەككەن 200-گە جۋىق وتباسىعا كومەكتەستى

اقمولا وبلىسىنىڭ قازاقستان حالقى اسسامبلەياسى سۋ تاسقىنىنان زارداپ شەككەن 200-گە جۋىق وتباسىعا كومەكتەستى. قازىر كوشەتاۋداعى دوستىق ۇيىندە قابىلداۋ پۋنكتى اشىلعان. ەتنوبىرلەستىك, قوعامدىق ۇيىم وكىلدەرى, كاسىپكەرلەر مەن ۆولونتەرلەر ازىق-ت ۇلىك, كيىم-كەشەك, شارۋاشىلىق تاۋارلارىن وسى  جەرگە تاپسىرىپ جاتىر. جينالعان جىلۋ وسى اپتادا سۋ استىندا قالعان اۋداندارعا جەتكىزىلەدى. ەرمەك نۇعىمانوۆ, «قوعامدىق كەلىسىم» مەكەمەسىنىڭ باسشىسى: — بۇرىننان دا قازاق حالقى ءوزى وسىنداي اسار دەگەن بار عوي بىزدە. «بىرلىك بار جەردە, تىرلىك بار» دەپ, ەل بولىپ جۇمىلا كوتەرەتىن دۇنيە عوي. بۇل اپات, ونىڭ ىشىندە سۋ مەن وت ايتىپ كەلمەيتىن ءتىلسىز جاۋ عوي. سوندىقتان بىرلىكتە اتسالىسۋ دۇرىس دەپ ويلايمىن.