كيليان مباپپە «رەالدا» جاڭا ماۋسىمدا 10 نومىرىمەن الاڭعا شىعادى

فرانتسۋز شابۋىلشىسى كيليان مباپپە 2025/26 جىلعى ماۋسىمنان باستاپ مادريدتىك «رەال» ساپىندا جاڭا نومىرمەن ونەر كورسەتەدى, دەپ جازدى Qandastar.kz

Diario AS جانە باسقا دا بەدەلدى باسىلىمداردىڭ حابارلاۋىنشا, ول بۇعان دەيىن لۋكا مودريچ كيگەن اڭىزعا اينالعان 10-ءنومىرلى جەيدەنى ەندى وزىنە الادى.

مباپپە «رەالداعى» دەبيۋتتىك ماۋسىمىندا — 2024/25 جىلى — 9 نومىرىمەن ويناعان ەدى. بۇل ءنومىر كاريم بەنزەما كەتكەننەن كەيىن بوس قالعان ەدى. الايدا بۇل شەشىم باستاپقىدا ۋاقىتشا رەتىندە قاراستىرىلعان. يسپانيالىق باق-تىڭ مالىمەتىنشە, ءنومىردى اۋىستىرۋ ماسەلەسى ەكى تاراپ اراسىندا كەلىسىلگەن جانە رەسمي تۇردە بەكىتىلۋ ساتىسىندا.

025 جىلعى 23 شىلدەدە AS باسىلىمى رەسمي اقپارات جاريالادى: كيليان مباپپە جاڭا ماۋسىمدا 10 نومىرىمەن وينايتىنىن راستادى. ايتا كەتەيىك, بۇل ءنومىردى ول فرانتسيا قۇراماسىندا دا كيەدى.

وسىلايشا, 2025/26 جىلعى ماۋسىمدا «رەال ءمادريدتىڭ» جاڭا «وندىعى» پايدا بولماق.