Qarjy jáne tólemder
Kimderdiń jalaqysy 50 paıyzǵa ósetini belgili boldy — Toqaev jańa zańǵa qol qoıdy
Sý salasy qyzmetkerleriniń jalaqysy 50%-ǵa deıin ósedi, dep habarlaıdy qandastar.kz Sý resýrstary jáne ırrıgaııa mınıstrliginiń baspasóz qyzmetine silteme jasap.
Memleket basshysy Qasym-Jomart Toqaev sý salasy qyzmetkerleriniń jalaqysyn kóterýge baǵyttalǵan «Tabıǵı monopolııalar týraly» zańǵa ózgerister engizýdi kózdeıtin zańǵa qol qoıdy. Túzetýlerdi Sý resýrstary jáne ırrıgaııa mınıstrligi ázirledi.
«О́zgerister sýmen jabdyqtaý jáne sý burý qyzmetterin kórsetetin 25 myńnan astam qyzmetkerdiń jalaqysyn arttyrýǵa múmkindik beredi», — dep jazylǵan vedomstvo habarlamasynda.
О́ńirge jáne statıstıkalyq derekterge qaraı jalaqy orta eseppen 35–50%-ǵa ósip, jylý jáne elektr energetıkasy salalaryndaǵy mamandardyń deńgeıine deıin jetedi. Bul sý salasyndaǵy kadr turaqsyzdyǵyn azaıtyp, joǵary bilikti mamandardy tartýǵa jol ashady.
«Tabıǵı monopolııalar týraly» zańǵa engizilgen ózgerister bıyl 1 qyrkúıekten bastap kúshine enedi.
«Statıstıkalyq málimetterge sáıkes, jylý jáne elektr energetıkasy salasynda ortasha jalaqy – 330 myń teńge. Al sý sharýashylyǵy salasynda – 231 myń teńge. Aıtarlyqtaı aıyrmashylyq bar. Qabyldanǵan túzetýler elimizdiń damýy úshin asa mańyzdy sý salasynyń kadrlyq áleýetin arttyrýǵa baǵyttalǵan», – dedi sý resýrstary jáne ırrıgaııa mınıstri Nurjan Nurjigitov.
