Kirister komıteti qazaqstandyqtarǵa eskertý jasady

Foto: ashyq derekkóz

Memlekettik kirister komıteti uzaq ýaqyt boıy kún saıyn tek bir chek berip otyrǵan nemese turaqty túrdebirdeı tabys somasyn tirkegen 260 myń salyq tóleýshini anyqtady, dep habarlaıdy qandastar.kz

Memlekettik kirister komıteti táýekelderdi basqarý júıesi aıasynda salyq tóleýshilerdi irikteý jáne salyqtyq baqylaý sharalaryn qabyldaý úshin baqylaý-kassalyq mashınalar (BKM) boıynsha málimetterdi (berilgen chekter sany, somasy jáne merzimdiligi) belsendi túrde paıdalanady. 

Mańǵystaý oblysy Munaıly aýdanyndaǵy azyq-túlik dúkeni bir jyl boıy kún saıyn tek 7 myń teńgege 1 chek qana bergen. Bul BKM-di qoldanbaý belgileriniń aıqyn dáleli bolyp tabylady, sondaı-aq tutynýshylardyń quqyqtaryn óreskel buzý bolyp sanalady. Mundaı salyq tóleýshilerge qatysty tıisti sharalar qabyldanýda. Sonymen qatar, 2023 jylǵy derekterdi taldaý barysynda 82,2 myń salyq tóleýshiniń aınalymdarynda aıtarlyqtaı sáıkessizdikter anyqtaldy. Olar salyqtyq eseptilikte tólem kartalary (POS-termınaldar) men mobıldi tólemder (QR-tólemder) arqyly túsken qarajatty kórsetpegen. Jalpy jasyrylǵan soma 1 trıllıon teńgeden asady. Osy zańbuzýshylyqtardy óz erkimen túzetý úshin joǵaryda atalǵan salyq tóleýshilerge kameraldyq baqylaý habarlamalary jiberildi (oryndaý merzimi – bıylǵy jyldyń 20-26 naýryzy). Qazirgi tańda 6,2 myń salyq tóleýshi 43,7 mlrd teńge kiris kórsetilgen salyq deklaraııalaryn usyndy, nátıjesinde 1,1 mlrd teńge salyq esepteldi, – delingen habarlamada.

Memlekettik kirister komıteti azamattar men kásipkerlerge qolma-qol esep aıyrysý kezinde derekterdi tirkeý jáne berý fýnkııasy bar baqylaý-kassalyq mashınalardy (BKM) mindetti túrde qoldaný qajettigin eskertedi. Qazirgi zamanǵy fıskaldyq derekter operatorlarǵa berilgen chekter týraly aqparatty avtomatty túrde Komıtetke jiberýge múmkindik beredi, bul qarjy operaııalarynyń ashyqtyǵyn arttyryp, tıimdi baqylaýǵa jaǵdaı jasaıdy. 

Eske salamyz, Qazaqstan Respýblıkasynyń «Ákimshilik quqyq buzýshylyq týraly» Kodeksinde BKM qoldaný talaptaryn buzǵany úshin jaýapkershilik qarastyrylǵan. Alǵashqy quqyq buzýshylyq kezinde salyq tóleýshige eskertý beriledi, al qaıtalanǵan jaǵdaıda 15-ten 50 AEK-ke deıin aıyppul salynady. Memlekettik kirister komıteti zańnamany saqtaýdyń jáne baqylaý-kassalyq mashınalardy ýaqytyly qoldanýdyń mańyzdylyǵyn atap ótedi. Bul esep aıyrysýlardyń ashyqtyǵyn qamtamasyz etip, salyqtyq quqyqbuzýshylyqtar qaýpin azaıtýǵa yqpal etedi, – dep eskertti  Memlekettik kirister komıteti.