Kirpikterdi kesip tastaǵan: Aqtóbede jaldamaly páterinde blefaroplastıka jasap, naýqastyń kózine zaqym keltirgen

Aqtóbede klıentiniń kózine eki márte blefaroplastıkalyq ota jasaımyn dep oǵan zardap keltirgen. Ol otany jaldamaly páterinde jasaǵan dep habarlaıdy KYN.KZ aqparat agenttigi Joǵarǵy sotqa silteme jasap.

Ol klıentine aıyppul retinde 1 mln 235 myń teńge tóleýge májbúr boldy.

Aqtóbe qalalyq sotyna úıde blefaroplastıka jasatqan soń qabaǵy jarylǵan azamatsha materıaldyq jáne moraldyq zalal óndirý úshin júgingen.

Instagram áleýmettik jelisinde blefaroplastıka qyzmeti týraly jarnamany kórgen talap qoıýshy 2023 jyldyń 4 tamyzynda jaýapkerdiń jaldamaly páterinde ota jasatqan.

Alaıda bir apta ótken soń kóziniń assımetrııasyn baıqap, oǵan 15 tamyzda ekinshi ret ota jasatady.

Ekinshi ota kezinde jaýapker oń kózdiń qabaǵanyń terisin tym tereń kesip tómengi kirpikterdi kesip tastaǵan. Sóıtip odan qan ketýi toqtamaǵan.

Jaýapker jarany lazermen kúıdirip, qandy toqtatyp, qan ketken jerdi tigip tastaǵan.

Talap qoıýshy konıýnktıvıt, aýyrsyný jáne jas aǵý saldarynan oftalmolog pen plastıkalyq hırýrgtarǵa júginýge májbúr bolǵan.

Qazirgi ýaqytta qabaqtyń tolyq jabylmaýyna, kózdiń jáne qabaqtyń únemi isýine baılanysty paıenttiń syrtqy kelbeti ózgergendikten talap qoıýshy jumysty tastap, sátsiz jasalǵan otadan keıin emdeý jáne ońaltý shyǵyndaryn kóterýge májbúr bolǵan.

Sot isti qaraý kezinde jaýapkerdiń aýrýhanada feldsher bolyp jumys isteıtinin, onyń plastıkalyq hırýrgııa boıynsha lıenzııasy joqtyǵyn, tek sertıfıkaty bar ekenin anyqtady.

Jaýapker talap qoıýshyǵa ota jasaýǵa jumsalǵan 80 myń teńgeni óz erkimen qaıtarǵan.

Sot sheshimimen jaýapkerden talap qoıýshynyń paıdasyna 235 myń teńge materıaldyq shyǵyn jáne 1 mln teńge moraldyq zııan óndirildi.

Sot sheshimi zańdy kúshine endi.