كىشكەنتاي ەكەندەرىن ەسكەردىك: ءيتتى تىرىدەي ورتەگەن جاسوسپىرىمدەرگە جازا تاعايىندالدى

فوتو: اشىق دەرەككوز

مۇقىر اۋدانىندا ءيتتى تىرىدەي ورتەپ جىبەرگەن جاسوسپىرىمدەرگە جازا تاعايىندالدى, دەپ حابارلايدى  qandastar.kz   Alash.kz ۇلتتىق پورتالىنا سىلتەمە جاساپ.

اتىراۋ وبلىسىنىڭ كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتى جانۋاردىڭ ولىمىنە اكەپ سوقتىرعان قاتىگەزدىك ءۇشىن ەكەۋىنە 6 ايعا باس بوستاندىعىنان شەكتەۋ جازاسىن تاعايىندادى.

سوت جەڭىلدەتەتىن ءمان-جاي رەتىندە ولاردىڭ شىن جۇرەكتەن وكىنۋىن, جاس ەكەنىن جانە سوتتىلىعىنىڭ بولماۋىن ەسكەرگەن. ال اۋىرلاتاتىن ءمان-جاي جوق دەيدى.

جازدا سوتتالۋشىلار الدىن الا ءسوز بايلاسىپ, كوشەدە يت ۇستاپ الىپ, باعاناعا بايلاپ العان. ولاردىڭ ءبىرى وعان بەنزين قۇيىپ, ورتەپ جىبەرسە, ەكىنشىسى جانۋاردى تەمىرمەن بىرنەشە رەت ۇرعان.

پروكۋرور ايىپتالۋشىلارعا باس بوستاندىعىن التى ايعا شەكتەۋ جازاسىن تاعايىنداۋدى سۇرادى. ولاردىڭ ءبىرى – 21 جاستا, ەكىنشىسى 17 جاستا.

سوتتالۋشىلار ءوز كىنالارىن تولىق مويىنداپ, جاساعان ىستەرىنە وكىنىپ, جازاسىن جەڭىلدەتۋدى سۇرادى. ءىستى قاراۋ بارىسىندا سوت ايىپتالۋشىلارعا تاعىلعان ايىپتاردان «كوپشىلىككە نەمەسە بۇقارالىق اقپارات قۇرالدارىن, تەلەكوممۋنيكاتسيا جەلىلەرىن نەمەسە ونلاين پلاتفورمالاردى پايدالانۋ» كۆاليفيكاتسيالىق بەلگىسىن الىپ تاستادى.

سوت ۇكىمى زاڭدى كۇشىنە ەنگەن جوق.