Kishkentaı ekenderin eskerdik: Itti tirideı órtegen jasóspirimderge jaza taǵaıyndaldy

Foto: ashyq derekkóz

Muqyr aýdanynda ıtti tirideı órtep jibergen jasóspirimderge jaza taǵaıyndaldy, dep habarlaıdy  qandastar.kz   Alash.kz ulttyq portalyna silteme jasap.

Atyraý oblysynyń kámeletke tolmaǵandardyń isteri jónindegi mamandandyrylǵan aýdanaralyq soty janýardyń ólimine ákep soqtyrǵan qatigezdik úshin ekeýine 6 aıǵa bas bostandyǵynan shekteý jazasyn taǵaıyndady.

Sot jeńildetetin mán-jaı retinde olardyń shyn júrekten ókinýin, jas ekenin jáne sottylyǵynyń bolmaýyn eskergen. Al aýyrlatatyn mán-jaı joq deıdi.

Jazda sottalýshylar aldyn ala sóz baılasyp, kóshede ıt ustap alyp, baǵanaǵa baılap alǵan. Olardyń biri oǵan benzın quıyp, órtep jiberse, ekinshisi janýardy temirmen birneshe ret urǵan.

Prokýror aıyptalýshylarǵa bas bostandyǵyn alty aıǵa shekteý jazasyn taǵaıyndaýdy surady. Olardyń biri – 21 jasta, ekinshisi 17 jasta.

Sottalýshylar óz kinálaryn tolyq moıyndap, jasaǵan isterine ókinip, jazasyn jeńildetýdi surady. Isti qaraý barysynda sot aıyptalýshylarǵa taǵylǵan aıyptardan «kópshilikke nemese buqaralyq aqparat quraldaryn, telekommýnıkaııa jelilerin nemese onlaın platformalardy paıdalaný» kvalıfıkaııalyq belgisin alyp tastady.

Sot úkimi zańdy kúshine engen joq.