جاڭالىقتار
كىتاپحاناشىلار 46 ملن تەڭگە ۇرلاعان
فوتو: اشىق دەرەككوزدەن
باتىس قازاقستان وبلىسىندا كىتاپحانا بۋحگالتەرلەرىنە قاتىستى ءىس سوتقا جولداندى. ولارعا شامامەن 46 ميلليون تەڭگەنى جىمقىردى دەگەن ايىپ تاعىلىپ وتىر, دەپ حابارلايدى Qandastar.kz.
بقو ەكونوميكالىق تەرگەۋ دەپارتامەنتىنىڭ مالىمەتىنشە, 2023 جىلدان 2025 جىلعا دەيىن كىتاپحانانىڭ باس بۋحگالتەرى مەن بۋحگالتەرى قىلمىستىق كەلىسىمگە كەلىپ, اي سايىن جوق قىزمەتكەرلەرگە جالاقى ەسەپتەپ وتىرعان. قاراجاتتى ولار وزدەرىنىڭ بانك شوتتارىنا اۋدارعان. مەملەكەتكە كەلتىرىلگەن جالپى زالال 45,9 ميلليون تەڭگەنى قۇرادى.
«قابىلدانعان شارالاردىڭ ناتيجەسىندە كىنالى ادامدار انىقتالدى, مەملەكەتكە كەلتىرىلگەن شىعىن تولىق كولەمدە وتەلدى», – دەدى ۆەدومستۆو.
قازىرگى ۋاقىتتا سوتقا دەيىنگى تەرگەۋ اياقتالىپ, قىلمىستىق ءىس سوتقا جولداندى.
