Jańalyqtar
QMDB áıelderdiń meshitte namaz oqýyna qatysty pikir bildirdi
Foto: depositphotos
QMDB áıelderdiń meshitte namaz oqýyna qatysty málimdeme jasady, dep habarlaıdy qandastar.kz Dalanews.kzmaterıalyna siltep.
QMDB ókilderiniń aıtýynsha, negizi áıelderdiń meshitke baryp jamaǵatpen namaz oqýynyń oqasy joq. Biraq úıinde oqyǵany abzal.
«Hanafı mázhabynyń ǵalymdary fıtnaǵa (buzaqylyq) túsip qalý qaýpi bolǵandyqtan jas áıelderdiń meshitke baryp jamaǵatpen namaz oqýyn mákrýh sanaǵan. Sebebi Alla Elshisi (oǵan Allanyń salaýaty men sálemi bolsyn): «Úıleri olar úshin meshitke barýdan da qaıyrly», – degen. Al jasy úlken qart áıelderdiń tań jáne aqsham men quptan namazdarynda meshitke barýyna bolady.
Bul ımam Ábý Hanıfanyń kózqarasy. О́ıtkeni nıeti buzaqylar besin men ekinti namazynda qaptap júredi. Aqsham namazynda keshki asyn ishýmen álek, tań namazy men quptanda uıqyda bolady deıdi. Ábý Iýsýf pen Muhammedtiń pikiri boıynsha qart áıelder barlyq paryz namazdarda meshitke bara alady», delingen málimdemede.
Alaıda meshitte áıelderge arnalǵan bólek jer bolsa jáne ol jerge barar jol da kópshilikke kórinbeıtindeı bolsa oqasy joq. Basty maqsat áıeldiń abyroıy men qoǵamda túrli búlikterdiń týýyna jol bermeý deıdi QMDB ókilderi.
