قمدب ەنەرگەتيكالىق سۋسىندارعا قاتىستى ۇكىم شىعاردى

فوتو: اشىق دەرەككوز

قازاقستان مۇسىلماندارى ءدىني باسقارماسى ەنەرگەتيك سۋسىنداردى ءىشۋ-ىشپەۋگە قاتىستى ءپاتۋا شىعاردى, دەپ جازدى qandastar.kz

قمدب ەنەرگەتيكالىق سۋسىندار الكوگولسىز جانە الكوگولدى دەپ ەكىگە ءبولىپ قاراستىرعان.

«ەنەرگەتيكالىق سۋسىنداردىڭ قۇرامىندا الكوگول از مولشەردە بولسا دا ونى ىشۋگە تىيىم سالىنادى», – دەپ حابارلادى ءمۇفتيات.

ال, الكوگولسىز ەنەرگەتيكالىق سۋسىندارعا توقتالعان قمبد «كەز كەلگەن سۋسىننىڭ قۇرامىندا الكوگول, زياندى زاتتار, حارام, ءناجىس نارسەلەر بولماسا ونى قولدانۋعا رۇقسات» دەيدى.

«ال قۇرامىندا ادام بالاسىنىڭ دەنساۋلىعىنا زيان بەرەتىن زاتتار بولسا (الكوگول, قاۋىپتى زاتتار, حارام, ءناجىس ت.ب.) قولدانۋعا تىيىم سالىنادى. ەنەرگەتيكالىق سۋسىنداردى ءجيى قولدانۋ اعزاعا (جۇرەككە, جۇيكە جۇيەسىنە, قان قىسىمىنىڭ جوعارىلاۋىنا, قانت ديابەتىنە, سەمىزدىككە, اياق-قولدىڭ دىرىلىنە, ت.س.س.) قاۋىپتى ەكەنى مەديتسينا تۇرعىسىنان ناقتىلانعان. سوندىقتان مۇسىلمان ادامعا مۇنداي سۋسىنداردان اۋلاق بولعانى دۇرىس», – دەپ اتاپ وتكەن زەرتتەۋلەرگە سۇيەنگەن قمبد-نىڭ ءباسپاسوز قىزمەتى.