QMDB energetıkalyq sýsyndarǵa qatysty úkim shyǵardy

Foto: ashyq derekkóz

Qazaqstan Musylmandary dinı basqarmasy energetık sýsyndardy ishý-ishpeýge qatysty pátýa shyǵardy, dep jazdy qandastar.kz

QMDB energetıkalyq sýsyndar alkogolsiz jáne alkogoldi dep ekige bólip qarastyrǵan.

«Energetıkalyq sýsyndardyń quramynda alkogol az mólsherde bolsa da ony ishýge tyıym salynady», – dep habarlady múftııat.

Al, alkogolsiz energetıkalyq sýsyndarǵa toqtalǵan QMBD «kez kelgen sýsynnyń quramynda alkogol, zııandy zattar, haram, nájis nárseler bolmasa ony qoldanýǵa ruqsat» deıdi.

«Al quramynda adam balasynyń densaýlyǵyna zııan beretin zattar bolsa (alkogol, qaýipti zattar, haram, nájis t.b.) qoldanýǵa tyıym salynady. Energetıkalyq sýsyndardy jıi qoldaný aǵzaǵa (júrekke, júıke júıesine, qan qysymynyń joǵarylaýyna, qant dıabetine, semizdikke, aıaq-qoldyń diriline, t.s.s.) qaýipti ekeni medıına turǵysynan naqtylanǵan. Sondyqtan musylman adamǵa mundaı sýsyndardan aýlaq bolǵany durys», – dep atap ótken zertteýlerge súıengen QMBD-nyń baspasóz qyzmeti.