قمدب قالىڭمال مەن ماھىرگە قاتىستى مالىمدەمە جاسادى

فوتو: اشىق دەرەككوز

قازاقستان مۇسىلماندار ءدىني باسقارماسى قالىڭمال مەن ماھىرگە قاتىستى مالىمدەمە جاسادى, — دەپ حابارلايدى qandastar.kz

ءمۇفتياتتىڭ ءباسپاسوز قىزمەتىنىڭ مالىمەتىنشە, «اكە ەڭبەگى», «انا ءسۇتى» سياقتى قىزدىڭ اكە-شەشەسىنە, تۋىستارىنا بەرىلەتىن مال-م ۇلىك ماھىرگە سانالمايدى. سونداي-اق, قىزدىڭ جاساۋىن اكەسى ءوز مۇلكىنەن الىپ بەرسە, بۇل ءماھىر بولىپ ەسەپتەلمەيدى.

— قازاق داستۇرىندە قالىڭمال – قالىڭدىق ءۇشىن بەرىلەتىن مال-دۇنيە. ەگەر ەكى جاس اجىراسقان جاعدايدا قالىڭدىق مالى قىزدىڭ يەلىگىندە قالاتىن بولعان. وسى تۇرعىدان قالىڭمالدى ءماھىر دەپ ساناۋعا بولادى, — دەلىنگەن رەسمي اقپاراتتا.

وسى رەتتە قمدب ءباسپاسوز قىزمەتى ءمۇفتياتتىڭ شەشىمىن جاريا ەتتى.

— شەشىم: كۇيەۋى تاراپىنان بەرىلەتىن قالىڭمالدى قىزدىڭ رازىلىعىمەن ماھىرگە جاتقىزۋعا جانە ارتىنان الىپ باراتىن جاساۋىنا پايدالانۋعا بولادى. «اكە ەڭبەگى», «انا ءسۇتى» سەكىلدى قىزدىڭ اكە-شەشەسىنە, تۋىستارىنا بەرىلەتىن مال-م ۇلىك (كادەسىي, ت.ب.) ماھىرگە جاتپايدى, — دەلىنگەن اقپاراتتا.

قالىڭمال بەرىلمەيتىن ولكەلەردە نەكە قيۋ بارىسىندا ءماھىردى بەلگىلەۋى ءتيىس. ءماھىر بەلگىلەنبەگەن جاعدايدا نەكەسى دۇرىس بولادى. بىراق كۇيەۋى ءماھىر-ميسل بەرەدى.