QMDB qalyńmal men máhirge qatysty málimdeme jasady

Foto: ashyq derekkóz

Qazaqstan musylmandar dinı basqarmasy qalyńmal men máhirge qatysty málimdeme jasady, – dep habarlaıdy qandastar.kz

Múftııattyń baspasóz qyzmetiniń málimetinshe, «áke eńbegi», «ana súti» sııaqty qyzdyń áke-sheshesine, týystaryna beriletin mal-múlik máhirge sanalmaıdy. Sondaı-aq, qyzdyń jasaýyn ákesi óz múlkinen alyp berse, bul máhir bolyp eseptelmeıdi.

– Qazaq dástúrinde qalyńmal – qalyńdyq úshin beriletin mal-dúnıe. Eger eki jas ajyrasqan jaǵdaıda qalyńdyq maly qyzdyń ıeliginde qalatyn bolǵan. Osy turǵydan qalyńmaldy máhir dep sanaýǵa bolady, – delingen resmı aqparatta.

Osy rette QMDB baspasóz qyzmeti múftııattyń sheshimin jarııa etti.

– Sheshim: Kúıeýi tarapynan beriletin qalyńmaldy qyzdyń razylyǵymen máhirge jatqyzýǵa jáne artynan alyp baratyn jasaýyna paıdalanýǵa bolady. «Áke eńbegi», «ana súti» sekildi qyzdyń áke-sheshesine, týystaryna beriletin mal-múlik (kádesyı, t.b.) máhirge jatpaıdy, – delingen aqparatta.

Qalyńmal berilmeıtin ólkelerde neke qııý barysynda máhirdi belgileýi tıis. Máhir belgilenbegen jaǵdaıda nekesi durys bolady. Biraq kúıeýi máhir-mısl beredi.