جاڭالىقتار
قمدب مەشىتتە اياعىن ۋقالاتقان يمامعا ۇندەۋ جاسادى
فوتو:سكرين
اتالعان وقيعاعا قاتىستى قمدب مالىمدەمە جاسادى, دەپ حابارلايدى qandastar.kz
بۇل تۋرالى ءدىني باسقارمانىڭ ءباسپاسوز حاتشىسى اعابەك قونارباي ۇلى Facebook-تەگى پاراقشاسىندا جازعان. ول قۇلشىلىق ۇيىنە كەلگەن ءاربىر ادام مەشىت ادەبىن ساقتاۋى ءتيىس ەكەنىن ەسكەرتەدى.
«مەشىت – قۇلشىلىق ءۇيى, جاماعات جينالاتىن رۋحاني وردا, قاسيەتتى مەكەن, تاربيە ورنى. قۇلشىلىق ۇيىنە كەلگەن ادام مەشىت ادەبىن ساقتاۋى ءتيىس. بۇل – مۇسىلماننىڭ كوركەم مىنەزىنىڭ ءبىرى. تۇركىستان وبلىسى, سارىاعاش اۋدانىنداعى مەشىتتە بولعان وقيعا الەۋمەتتىك جەلىلەردە تاراپ, قوعامنىڭ ءتۇرلى پىكىر قايشىلىعىن تۋدىردى. وسىعان وراي, قازاقستان مۇسىلماندارى ءدىني باسقارماسى قاسيەتتى ورىندا قوعام نارازىلىعىن تۋدىرعان ارەكەتكە جول بەرگەنى ءۇشىن مەشىت يمامىنا ەسكەرتۋ جاسادى. قازاقستان مۇسىلماندارى ءدىني باسقارماسى ەلىمىزدەگى بارشا مۇسىلمان جاماعاتىن قۇلشىلىق ۇيلەرىندە داۋىس كوتەرىپ سويلەمەۋگە, ادەپسىز ارەكەتتەرگە جول بەرمەۋگە, ۇرىس-كەرىس جاساماۋعا شاقىرادى. جاماعاتتى بارىنشا مەشىت ادەبىن ساقتاۋعا ۇندەيمىز», – دەدى ول.
بۇعان دەيىن وقيعانىڭ سارىاعاش اۋدانىنداعى مەشىتتە بولعانى ناقتىلانعان ەدى. ۆيدەودان ۋاعىز ايتىپ وتىرعان اقساقالدىڭ اياعىن 3 بالانىڭ ۋقالاعانىن بايقاۋ قيىن ەمەس. بۇعان كوپشىلىك نارازىلىعىن اشىق بىلدىرگەن بولاتىن.
