«KNPP CUP – 2023»: الماتىدا اەس تاقىرىبى تالقىلانعان دەبات ءوتتى

تۋرنير ۇزدىك پىكىرسايىسشى ستۋدەنتتەر جينالعان الاڭعا اينالدى.

«KNPP CUP —2023» باستى ماقساتى جاستاردىڭ اەس تۋرالى ءبىلىمىن شىڭداۋ جانە ساۋاتتىلىعىن ارتتىرۋ. دەبات تۋرنيرىندە اەس تاقىرىبىنا بايلانىستى ارنايى قارارلار قاراستىرىلىپ, جاستاردىڭ ءبىلىم دەڭگەيىنىڭ شىڭدالۋىنا, جاڭا اقپاراتتارمەن تانىسۋعا سەبەپ بولا ءبىلدى.

دەبات ءتۋرنيرى قوس فورماتتا جاريالانىپ, جالپى سانى 28 فراكتسيا قاتىستى.

فينال ويىندارىندا «بپ قر رەتىندە اەس بويىنشا سەرىكتەس تاڭدايدى» قارارىندا ءوربىپ, تارتىستى ويىن بولدى. ەلىمىزگە اەس سالۋ بويىنشا سەرىكتەس ەل تاڭداپ, ولاردىڭ كەمشىن نەمەسە ارتىق تۇستارى جايلى پىكىرتالاس بولدى.

تۋرنيرگە ءال-فارابي اتىنداعى قازۇۋ, اباي اتىنداعى قازۇپۋ, كاسپي ۋنيۆەرسيتەتى, قازاق-بريتان تەحنولوگيالىق ۋنيۆەرسيتەتى, س.د. اسفەندياروۆ اتىنداعى قازۇمۋ جانە ت.ب. ۋنيۆەرسيتەتتەردىڭ ستۋدەنتتەرى قاتىستى.

دەبات ويىندارىنىڭ قازىلار القاسىندا «قازاقستاندىق اتوم ەلەكتر ستانتسيالارى» جشس مۇشەسى اسۋان سيابەكوۆ, بەلگىلى مادەنيەتتانۋشى بەردالى وسپان دا بولدى. ولار جاستاردىڭ ءتىل تازالىعىنا, ايتىلعان اقپاراتتاردىڭ دۇرىستىعىنا, جالپى ويىننىڭ وربۋىنە باعا بەردى.

ناتيجەسىندە اپف بويىنشا (امەريكاندىق پارلامەنتتىك فورمات):

1-ورىن “پوتوم قويامىز” فراكتسياسى
(قازۇپۋ)
– اليموۆا گۇلنۇر
– قونارباي ۇلى ءابدىراحيم

2-ورىن
“تورفين” فراكتسياسى
(قازۇۋ جانە قازۇپۋ)
– كاريموۆ دامير
– بەكباەۆ ولجاس

3-ورىن
“جاڭا قازاقستان” فراكتسياسى
(قازۇۋ)
– ساپاروۆا جاننا
– المان شاكيرا

4-ورىن “حان” فراكتسياسى
(كاسپي ۋنيۆەرسيتەتى مەن قازۇۋ)
– باحىتجان تەمىرلان
– ابدۋكاريموۆا ايگەرىم

لد (لينكولن دۋگلاس) فورماتى بويىنشا:

1-ورىن
– ساپاروۆا جاننا;
2-ورىن
– باحىتجان تەمىرلان يەلەندى.

جەڭىمپازدارعا «قازاقستاندىق اتوم ەلەكتر ستانتسيالارى» جشس دەمەۋشىلىك قولداۋىمەن ارنايى كۋبوك, ديپلومدار جانە دە قارجىلاي سىيلىقتار تابىس ەتىلدى.

فينال ويىنىندا تورەشى بولعان «قازاقستاندىق اتوم ەلەكتر ستانتسيالارى» جشس مۇشەسى اسۋان سيابەكوۆ:

«بۇگىن سونداي كەرەمەت ويىن بولدى. جاستاردىڭ اەس تاقىرىبىندا اشىق ايتىپ, ونىڭ وڭ تۇستارىن ۇعىپ تۇرعانىنا قۋانىشتى بولدىم. ساۋاتتى جاستاردىڭ بولۋى ءبىزدىڭ بولاشاعىمىزدىڭ كورىنىسى. ساۋاتتى قازاقستان, جاڭا قازاقستان قۇرامىز دەسەك, ساۋاتتى ۇرپاق تاربيەلەۋمىز كەرەك. حالىق اراسىندا اەس تۋرالى كوبىنە جاڭساق پىكىر قالىپتاسقان. ونىڭ قاۋىپتى تۇستارىن عانا ءسىڭىرىپ العانبىز. دەسە دە, ءبىز اتوم بومباسىن ەمەس, قۋات كوزى, ەنەرگيا بەرەتىن, دامىعان بارلىق مەملەكەتتەردە بار اتوم ەلەكتر ستانتسياسى جايلى ءسوز قوزعايمىز. 30 جىل ىشىندە قحر-دا اەس سانى 55-كە جەتتى جانە تاعى 15-ءى سالىنىپ جاتىر. فرانتسيادا قازىرگى ۋاقىتتا 58 اەس بار. ولاردىڭ 70% ەنەرگياسى وسى ارقىلى قۋاتتانىپ وتىر. وسى دۇنيەلەردى ۇققانىمىز ابزال» دەدى.

مادەنيەتتانۋشى, ەسىمتانۋشى بەردالى وسپان اعامىز جاستاردىڭ وزەكتى تاقىرىپتاردا سايراپ تۇرعانىنا تاڭداناسىن ءبىلدىردى. ولاردىڭ ۇمتىلىسى مەن جالىنداپ تۇرعان جەڭىسكە دەگەن ۇمتىلىسىن كورىپ ريزاشىلىعىن ءبىلدىردى:

ء«ومىردىڭ ءوزى – دەبات. ءبىز ءومىر ءسۇرىپ ءجۇرىپ تە, دەباتتاسۋمەن جۇرەمىز. دەسە دە, بۇگىنگى ويىن سونداي تارتىستى, قىزىقتى ءوتتى. تاقىرىپتارعا قاتىستى جاستاردىڭ بىلدىرگەن ويى, ونى جەتكىزۋى, ءسوز ساپتاۋلارى ۇنادى. دەگەنمەن دە, ءتىل تازالىعىنا ءالى دە ءمان بەرۋىمىز كەرەك» دەدى بەردالى وسپان.

ويىن تاڭعى ساعات 8-دەن كەشكى 6-عا دەيىن جالعاستى. تۇسكى ءۇزىلىس ۋاقىتىندا دەباتشىلار ارنايى تۇسكى اسپەن قامتاماسىز ەتىلدى.