جاڭالىقتار
كولىك-لوگيستيكا سالاسىندا 25 جاڭا ماماندىق پايدا بولماق
فوتو:UKIMET
ەلىمىزدىڭ كولىك-لوگيستيكالىق كەشەنىنىڭ قارقىندى دامۋىن ەسكەرە وتىرىپ, ورتا مەرزىمدى پەرسپەكتيۆادا 25 جاڭا ماماندىق قاجەت بولادى دەپ كۇتىلۋدە. بۇل تۋرالى ۇكىمەت وتىرىسىندا جۇمىسشى ماماندىقتارى جىلى اياسىنداعى ءىس-شارالار جوسپارى قارالدى. بۇل تۋرالى كولىك ءمينيسترى مارات قاراباەۆ ءمالىم ەتتى, دەپ حابارلايدى qandastar.kz UKIMET-كە سىلتەمە جاساپ.
اتاپ ايتقاندا, ول جاڭا جوبالاردى ىسكە اسىرۋ كەزىندە جوبانىڭ تسيفرلىق انالوگىن جانە 3D-مودەلدەۋدى پايدالانۋدى كوزدەيتىن BIM تەحنولوگياسى بويىنشا اۆتوموبيل جولدارىن سالۋ مەن رەكونسترۋكتسيالاۋدى جوبالاۋ كوزدەلگەنىن حابارلادى. بۇل باعىتتا «اقىلدى جولدار» بويىنشا ءتيىستى ينجەنەر-جوبالاۋشىلار, BIM تەحنولوگياسىندا جۇمىس تاجىريبەسى بار پرورابتار, قۇرىلىس روبوتتارىنىڭ وپەراتورى جانە تسيفرلىق جوبالاۋشى قاجەت بولادى. كولىك-لوگيستيكا سالاسىنداعى ءىرى توراپتاردى باسقارۋ ءۇشىن تسيفرلىق لوگيستيكالىق كارتالار كونسترۋكتورى مەن وپەراتورى كەرەك.
«ازاماتتىق اۆياتسيادا سىرتقى پيلوتتاندىرىلاتىن اۆياتسيالىق جۇيەلەردىڭ پيلوتتارى سۇرانىسقا يە بولادى. وسىعان وراي, الداعى ۋاقىتتا ۋاكىلەتتى ورگان مەن ءبىلىم بەرۋ مەكەمەلەرىمەن بىرگە وسى ماماندىقتاردى اشۋ ماسەلەسى قاراستىرىلادى», – دەلىنگەن حابارلامادا.
بۇگىنگى تاڭدا 9,7 ملن جۇمىسپەن قامتىلعان حالىقتىڭ 772 مىڭى كولىك سەكتورىندا جۇمىس ىستەيدى, ونىڭ باسىم بولىگى تەمىرجول جانە اۆتوموبيل كولىگى, لوگيستيكا جانە قويمالاۋ سالالارىنا تيەسىلى.
