Jańalyqtar
Kólik mınıstri Danıal Ahmetovtiń kúıeý balasynyń QTJ-daǵy qyzmeti týraly pikir bildirdi
Foto: ashyq derekkóz
KAZINFORM Úkimet otyrysynan keıin ótken baspasóz máslıhatynda Kólik mınıstri Marat Qarabaevqa «Qazaqstan temir jol» kompanııasyndaǵy kadr saıasaty týraly suraq qoıyldy.
«QTJ Ekspresstegi» jumysshylardyń 85 paıyzy temirjolshy emes, tamyr-tanystyq arqyly qyzmetke alynǵan eken. Bizdiń temir jolymyz qalaı damıdy. Mysaly, QTJ basshysy Nurlan Saýranbaev bolsa, onyń orynbasary Nurlan Qoıshybaev Danıal Ahmetovtiń týǵan kúıeý balasy. Al «QTJ Ekspreske» Damır Qojahmetov degen IT-maman basshy bolyp keldi. Mamannyń bári tanys-tamyr arqyly ǵana jumysqa alynatyn bolsa, bul sala qalaı damıdy?» – dep surady jýrnalıst.
Mınıstr «QTJ Ekspreske» IT-mamannyń basshy bolyp kelýi salany ıfrlandyrýmen baılanysty degen ýáj aıtty.
«Bul jerde másele bylaı. Sizdiń 85 paıyz degen aqparatyńyzdy qaıta tekserý kerek. Ondaı bolýy múmkin emes. Jalpy QTJ-da emes, siz «QTJ Eksprestiń» ózin atap otyrsyz. QTJ-nyń ózinde bilikti mamandar jumys isteıdi. Sol salada áýletimen jumys istep kele jatqan, ekinshi úshinshi urpaǵy jumys istep kele jatqan otbasylar bar.
Al «QTJ Eksprestiń» ózine toqtalsaq, ol – tasymaldaýshy kompanııa. Onyń basty jumysy taýar alyp, sony tasymaldaý. Tasymaldaýdyń ózimen jergilikti júk tasýshy kompanııalar aınalysady», – dedi mınıstr.
Vedomstvo basshysy «QTJ Ekspress» marketıngtik kompanııa sııaqty qurylym ekenin aıtady.
«Marketıng kompanııa bolǵan soń, ol jaqta til biletin adam kerek. Temirjol salasynyǵ maman bolǵany mindetti emes. Sheteldiktermen sóılesetin, taýar taba alatyn, sol taýardy basqa elge sata alatyn, bylaısha aıtqanda, marketıngke jaqyndaý kisiler de bolýǵa tıis. Sondyqtan «QTJ Ekspreste» ár adam óziniń biliktiligine sáıkes qyzmet atqaryp jatyr dep oılaımyn. IT-mamandy aıtyp jatyrsyz ǵoı, qazir eń basty másele osy salany ıfrlandyrý bolyp tur. Sondyqtan ol jaqqa IT-maman sýdaı qajet. О́ıtkeni ol jaqta ıfrlandyratyn másele óte kóp», – dedi Marat Qarabaev.
