جاڭالىقتار
كولىك مينيسترلىگىندە سۋ تاسقىنى كەزەڭىنە دايىندىق بارىسى تالقىلاندى
كولىك ۆيتسە-ءمينيسترى ءساتجان ابلاليەۆ كوكتەم جانە جاز ماۋسىمدارىندا جولداردى پايدالانۋ ءارى كۇتىپ-ۇستاۋ ماسەلەلەرى بويىنشا كەڭەس وتكىزدى. جيىنعا «قازاۆتوجول» ۇلتتىق كومپانياسى, جول اكتيۆتەرى ساپاسىنىڭ ۇلتتىق ورتالىعى جانە «قاجسەرۆيس» جشس وبلىستىق فيليالدارىنىڭ باسشىلارى قاتىسىپ, كەزدەسۋ بارىسىندا جولداردى سۋ تاسقىنى كەزەڭىنە دايىنداۋ ماسەلەلەرى جانە جول قاۋىپسىزدىگىن قامتاماسىز ەتۋ جونىندەگى كەشەندى ماقساتتى باعدارلاما اياسىنداعى جۇمىس جوسپارلارى تالقىلاندى.
كۇن تارتىبىنە شىعارىلىپ, تالقىلانعان باستى ماسەلە – قالىڭ قاردىڭ ەرۋى مەن سۋ تاسقىنى بولۋى ىقتيمال جولداردا قوزعالىس قاۋىپسىزدىگىن قامتاماسىز ەتۋ جانە جول ينفراقۇرىلىمىن ساقتاپ قالۋ ماسەلەلەرى بولدى.
تالقىلاۋ بارىسىندا سۋ تاسقىنى بولۋى ىقتيمال رەسپۋبليكالىق تراسسالاردا قاۋىپسىزدىكتى ساقتاۋ ماقساتىندا بىرلەسكەن ءىس-قيمىلدىڭ جەدەلدىگى مەن دۇرىس ۇيلەستىرىلۋىنىڭ ماڭىزدىلىعى اتاپ ءوتىلدى. سونىمەن بىرگە جول قۇرىلىستارىن نىعايتۋ, ينەرتتى ماتەريالدار مەن قاپتاردى دايىنداۋ, جولداردىڭ جاي-كۇيىن باقىلاۋ ماسەلەلەرى ءسوز بولدى.
بۇدان باسقا قاۋىپسىزدىكتى قامتاماسىز ەتۋ جونىندەگى كەشەندى ماقساتتى باعدارلامانى ىسكە اسىرۋعا ەنگىزىلگەن جوسپاردىڭ جۇزەگە اسىرىلۋى قارالدى. اتالعان ءىس-شارالار شۇڭقىرلاردى جوندەۋ, جارىقتاردى تولتىرۋ, جول بەلگىلەرىن ورناتۋ جانە اۋىستىرۋ جۇمىستارىن قامتيدى. باعدارلاما ششەڭبەرىندە قاراستىرىلعان ءىس-شارالار كەشەنى جول قوزعالىسىنا قاتىسۋشىلاردىڭ قاۋىپسىزدىگىن قامتاماسىز ەتۋگە باعىتتالعان.
جيىندى قورىتىندىلاعان ۆيتسە-مينيستر ماقساتتى باعدارلامانى ىسكە اسىرۋ بارىسىندا بارلىق قۇرىلىمدىق بولىمشەنىڭ كەلىسىلگەن جۇمىسىنىڭ قاجەتتىلىگىن اتاپ ءوتىپ, سۋ تاسقىنى كەزەڭىندە جول قوزعالىسى قاۋىپسىزدىگىن قامتاماسىز ەتۋ بويىنشا قويىلعان مىندەتتەرگە ەرەكشە نازار اۋداردى.
