Kólik júrgizýshisi TikTok-taǵy vıdeosy úshin qamaýǵa alyndy

Foto: ashyq derekkóz

Astanada Lexus kóliginiń júrgizýshisi TikTok jelisindegi vıdeosy úshin qamaýǵa alynyp, júrgizýshi kýáliginen aıyryldy.

Bul týraly Astana qalasynyń ákimshilik quqyq buzýshylyq ister jónindegi mamandandyrylǵan aýdanaralyq soty málimdedi, dep habarlady qandastar.kz portaly Stan.kz aqparat agenttigine silteme jasap.

Áleýmettik jelide Lexus avtokóliginiń júrgizýshisi kóligine jalǵan memlekettik nómirler taǵyp, jol erejesin buzyp jatqany túsirilgen vıdeo tarady.

Sot otyrysynda quqyq buzýshy óz kinásin moıyndap, áreketi úshin ókinetinin aıtty. Ol bul vıdeony TikTok jelisinde jarııalaý úshin túsirgenin aıtty.

«Sot qaýlysymen B quqyq buzýshylyq jasaǵany úshin kináli dep tanylyp, bir jyl merzimge kólik quralyn basqarý quqyǵynan aıyra otyryp, bes táýlikke qamaýǵa alý jazasy taǵaıyndaldy», – delingen sot habarlasynda.