جاڭالىقتار
«كومادا جاتقان قىزعا تيەسىلى»: كورىپكەل ايگۇل اقتاۋدا ۇشاق قۇلاعان جەردەن سىرعا تاۋىپ الدى
فوتو: ۆيدەودان كادر
وسىعان دەيىن الەۋمەتتىك جەلىدە قازاق كورىپكەلى ايگۇل بەردىعاليەۆا اقتاۋ ماڭىندا بولعان ۇشاق اپاتىنىڭ ورنىنان اشەكەي بۇيىم, سىرعانى تاۋىپ العانىن ايتقان ەدى, دەپ حابارلايدى qandastar.kz اقپارات پورتالى Azattyq Rýhy سايتىنا سىلتەمە جاساپ.
كورىپكەل ايگۇل بەردىعاليەۆا اقتاۋ ماڭىنداعى ۇشاق اپاتى بولعان جەردەن تاپقان سىرعا كىمگە تيەسىلى ەكەنى بەلگىلى بولدى.
ازەربايجاننىڭ 1news.az اقپارات اگەنتتىگى ايگۇل بەردىعاليەۆاعا حابارلاسىپ, سىرعانىڭ يەسى بولۋى مۇمكىن ادامدى ىزدەپ تاپقانىن جەتكىزگەن, زەرگەرلىك بۇيىم قازىرگى ۋاقىتتا باكۋدە كومادا جاتقان حالاەۆا حافيسات گۋسەين قىزىنا تيەسىلى بولىپ شىقتى.
ح. حالاەۆانىڭ جولداسى قۇقىق قورعاۋ ورگاندارىنىڭ قىزمەتكەرلەرى بۇرىن جوعالعان بۇيىمداردىڭ ءبىر بولىگىن تاپسىرعانىن ايتتى. الايدا ول جۇبايىنىڭ سىرعاسى تابىلعانىن بىلمەگەن.
سونداي-اق, جابىرلەنۋشىنىڭ جۇبايى رەداكتسياعا تولىق جيىنتىقتىڭ سۋرەتىن ۇسىندى. وسىلايشا, قازاقستاندىق كورىپكەل باكۋ اۋرۋحاناسىندا جاتقان ناۋقاستىڭ سىرعاسىن تاۋىپ بەردى. حافيسات حالاەۆا ۇشاق اپاتىنان كەيىن كومادا جاتقان. جاقىن كۇندەرى ول ەسىن جيىپتى.
ايتا كەتەيىك, حالاەۆا اۆار ۇلتىنان, ازەربايجاننىڭ بالاكەن اۋدانىندا تۇرادى.
