«كومەكتەسەدى دەپ سەنەمىن». ءانشى ءالي وقاپوۆ قانداي دەرتكە شالدىققانىن ايتتى

فوتو: instagram.com/aliokapov

تانىمال ءانشى ءالي وقاپوۆ الەۋمەتتىك جەلىدەگى پاراقشاسىندا وزىنە ديسفونيا دياگنوزى قويىلعانىن ايتتى, – دەپ حابارلايدى qandastar.kz Massaget.kz سىلتەمە جاساپ.

حالىق ءارتىسى روزا رىمباەۆانىڭ ۇلى ءالي وقاپوۆقا قويىلعان دياگنوز ءان ورىنداۋ كەزىندە داۋىستىڭ قارلىعۋىنا سەبەپ بولۋى مۇمكىن.

ءالى وقاپوۆتىڭ ايتۋىنشا, بۇل دەرتپەن 5 جىل بويى كۇرەسىپ كەلەدى ەكەن. ءانشى داۋىسىنىڭ ناشارلاۋى سترەسس پەن شامادان تىس شارشاعاننىڭ كەسىرىنەن بولعانىن ايتادى.

«قانداي جاعداي بولماسىن, مەن وزىمە سەنەمىن جانە جاتتىعۋلار كومەكتەسەدى دەپ ۇمىتتەنەمىن», – دەپ جازدى ول.

قارلىعۋ, ديسفونيا – داۋىستىڭ بۇزىلۋى, باسەڭدەۋى. بۇل – كومەكەيدىڭ وتكىر, سوزىلمالى اۋرۋلارى سالدارىنان دىبىس جالعامالارىنىڭ زاقىمدالۋىمەن اياقتالاتىن ءارتۇرلى كەسەلدەر.

ەسكە سالايىق, قازىر ءالي وقاپوۆ «جۇلدىزدى جۇپ» باعدارلاماسىنا قاتىسىپ جاتىر. ونىڭ جوباداعى سەرىگى – تانىمال اكتريسا فاريزا ەسكەرمەس.